నవంబర్‌3న జరిగే మునుగోడు ఉప ఎన్నికకు సర్వం సిద్ధం చేసినట్టు ప్రధాన ఎన్నికల అధికారి వికాస్‌రాజ్‌ తెలిపారు. మునుగోడు నియోజకవర్గంలో రెండోసారి వికాస్‌రాజ్‌ పర్యటించారు. ఈ సందర్భంగా మంగళవారం విలేఖరుల సమావేశంలో భాగంగా ఉప ఎన్నికకు కావాల్సిన అన్ని ఏర్పాట్లుగా తెలిపారు. ఈ రోజు సాయంత్రం 6:00 గంటలకు ప్రచారాన్ని నిలిపివేస్తున్నట్లు తెలిపారు.
ఫేస్‌బుక్, ట్విట్టర్, ఇన్‌స్టాగ్రామ్ మరియు ఇతర డిజిటల్ ఛానెల్‌ల వంటి సోషల్ మీడియా ప్లాట్‌ఫారమ్‌లలో ప్రచారం చేయడానికి కూడా నిబంధనలు ఒప్పుకోవని, సైలెంట్ పీరియడ్ ప్రారంభమైనప్పుడు సాయంత్రం 6 గంటల తర్వాత బల్క్ షార్ట్ మెసేజ్ సర్వీస్ (ఎస్‌ఎమ్‌ఎస్‌) మరియు ఫోన్ ద్వారా ఆటోమేటెడ్ క్యాంపెయిన్ చేయడం కూడా నిషేధించబడిందని ఆయన చెప్పారు. మోడల్ కోడ్‌ను ఎవరైనా ఉల్లంఘించినట్లు తేలితే చట్ట ప్రకారం కఠినంగా వ్యవహరిస్తామని సీఈఓ తెలిపారు.
సత్వర స్పందన, స్ట్రైకింగ్ ఫోర్స్, సెక్టార్ బృందాలు మరియు పోలింగ్ స్టేషన్ భద్రతను పర్యవేక్షించడానికి మరియు నిర్ధారించడానికి వేర్వేరు బృందాలు ఏర్పాటు చేయబడ్డాయి. మునుగోడులో నమోదైన ఓటర్లు కాకుండా అనధికార వ్యక్తులందరూ మంగళవారం సాయంత్రం 6 గంటలలోపు వెళ్లిపోవాలని సీఈవో వికాస్ రాజ్ తెలిపారు.
నియోజకవర్గంలో బయటి వ్యక్తుల కదలికలను అరికట్టేందుకు 45 పోలీసు బృందాలు, 37 రెవెన్యూ బృందాలను నియమించామని తెలిపారు. ఈ బృందాలు మంగళవారం, బుధవారం రాత్రి గ్రామాల్లో పర్యటించి అనధికార వ్యక్తుల ప్రక్షాళనతో పాటు నగదు పంపిణీ, ఇతర ప్రేరేపణలను పర్యవేక్షిస్తాయన్నారు.
జిల్లా ఎన్నికల అధికారితో సమీక్షా సమావేశం నిర్వహించి పంపిణీ కేంద్రం, పోలింగ్ కేంద్రాల వద్ద ఏర్పాటు చేసిన సౌకర్యాలు, పోలీసు బందోబస్తు ఏవిధంగా ఏర్పాటు చేశారో పరిశీలించి, ఉప ఎన్నికలను సజావుగా నిర్వహించేందుకు చేయాల్సిన కార్యక్రమాలను అడిగి తెలుసుకున్నారు.
చండూరు గ్రామంలో డాన్‌బాస్కో జూనియర్‌ కళాశాల ఆవరణలో పంపిణీ కేంద్రం ఏర్పాటు చేసి ఎన్నికల సిబ్బంది సంసిద్ధతను పరిశీలించారు. చండూరు ఏఎంసీ, కోటాయగూడెంలోని పోలింగ్ కేంద్రాలను సీఈవో సందర్శించారు.అనంతరం కలెక్టరేట్‌ను సందర్శించారు.
అర్జాలబావిలోని కౌంటింగ్ కేంద్రాన్ని కూడా ఆయన సందర్శించారు. క్షేత్రస్థాయిలో బృందాల ప్రత్యక్ష ప్రసారానికి కలెక్టరేట్‌లో ఏర్పాటు చేసిన కమాండ్ కంట్రోల్ రూమ్‌ను కూడా సందర్శించారు. ఈ సందర్భంగా జిల్లా కలెక్టర్‌, డీఈవో టి. వినయ్‌కృష్ణారెడ్డి, జిల్లా పోలీసు సూపరింటెండెంట్‌ రెమా రాజేశ్వరి, అదనపు కలెక్టర్‌ రాహుల్‌ శర్మ, స్థానిక సంస్థల ఆర్‌ఓ రోహిత్‌ సింగ్‌, ఇతర జిల్లా అధికారులు పాల్గొన్నారు.
ఇవి కూడా చదవండి..
కారుదే గెలుపు..ఆర్ఎస్ఎస్ షాకింగ్ సర్వే!
గ్యాస్‌కు దండం పెట్టి…కారుకు ఓటేయండి
నిరాడంబరుడు…గుమ్మడి
