మహేంద్ర సింగ్ ధోని అందరూ మిస్టర్ కూల్ అని పిలుస్తుంటారు. ఈ మిస్టర్ కూల్ ఏం చేసిన అది వైరల్ అవుతుంది. ప్రస్తుతం ఒక వీడియో సోషల్ మీడియాలో హల్ చల్ చేస్తుంది. చెన్నై సూపర్ కింగ్స్ కెప్టెన్ నిన్నటి మ్యాచ్ లో ధనా ధన్ ఇన్నింగ్స్ ఆడాడు. 34 బంతుల్లో 70 రన్స్ చేసిన జట్టు విజయంలో కీలకపాత్ర పోషించాడు. అయితే చెన్నై కెప్టెన్ గా ఎంత బిజీగా ఉన్నా.. ఏమాత్రం ఖాళీ సమయం దొరికినా ఫ్యామిలీతో గడపడానికి సమయం కేటాయిస్తాడు.
నిన్నటి బెంగళూరుతో మ్యాచ్ జరిగిన అనంతరం మిస్టర్ కూల్ ఒక పోస్ట్ చేశాడు. హెయిర్ డ్రైయర్ తో తన ముద్దుల కూతురు జీవా తడి జుట్టును ఆరబెడుతున్న వీడియోను ధోని ఇన్ స్టాగ్రామ్ లో పోస్ట్ చేశాడు. ఆట ముగిసింది. హాయిగా నిద్ర పోయాను. ప్రస్తుతం తండ్రిగా నా బాధ్యతలు నిర్వర్తిస్తున్నానంటూ క్యాప్షన్ తో ధోని ఈ వీడియో పోస్టు చేశాడు. ఈ వీడియోను పోస్ట్ చేసిన గంటలోపే 4 లక్షల మంది వీక్షించారు. కెప్టెన్ గా, తండ్రిగా బాధ్యతలు నిర్వర్తిస్తున్న మిస్టర్ కూల్, ఆల్ రౌండర్ ధోని, దటీజ్ ధోని అంటూ నెటిజన్లు తమదైన శైలిలోలో కామెంట్లు చేస్తున్నారు. మరోవైపు ధనా ధన్ ఇన్నింగ్స్ ఆడిన ధోనీపై పలువురు ప్రముఖులు ప్రశంసల వర్షం కురిపించారు.
ధోనీ సూపర్బ్‌. ఇందుకే నిన్ను అందరూ బెస్ట్‌ ఫినిషర్‌ అని అంటారు- హర్భజన్‌ సింగ్
ధోనీ నుంచి మరో సెన్సేషనల్‌ ఇన్నింగ్స్. ధోనీ అందించిన ఈ విజయం అభిమానుల గుండెల్లో చాలా కాలం పాటు గుర్తుండిపోతుంది-ఆర్పీ సింగ్
వాట్ ఏ మ్యాచ్.. వాట్ ఏ ఛేజ్‌.. వాట్ ఏ ప్లేయర్‌. సింహం ధోనీ మరోసారి గర్జించింది- రణ్‌వీర్‌ సింగ్
వావ్‌ ధోనీ. భలే ఫినిషింగ్‌ ఇచ్చావు-అనుష్క అరోరా
ఒకే మ్యాచ్‌లో ముగ్గురు ఆటగాళ్లు డివిలియర్స్‌, ధోనీ, రాయుడు అద్భుత ప్రదర్శన చేశారు- ప్రజ్ఞాన్‌ ఓజా
ధోనీ మ్యాన్‌ ఆఫ్‌ ద మ్యాచ్ కాదు మ్యాన్‌ ఆఫ్‌ ద డికేడ్- తమన్‌
వాట్ ఏ మ్యాచ్. బ్యూటీ ధోనీ క్రికెట్‌ నీ కోసమే కనిపెట్టారు-సోనూ సూద్‌
