రాష్ట్రంలో కొత్తగా 6 పాజిటివ్‌ కేసులు నమోదు..

తెలంగాణ రాష్ట్రంలో కరోనా క్రమంగా తగ్గుముఖం పడుతోందని రాష్ట్ర వైద్య, ఆరోగ్య శాఖ మంత్రి ఈటల రాజేందర్ తెలిపారు. ఈ రోజా రాష్ట్రంలో ఆరు పాజిటివ్‌ కేసులు నమోదైనట్లు మంత్రి ఈటెల తెలిపారు. ఇవాళ నమోదైన ఆరు కేసులు మొత్తం జీహెచ్‌ఎంసీ పరిధిలోనే నిర్ధారణ అయ్యాయని చెప్పారు. కరోనా కేసులపై మంత్రి మీడియాతో మాట్లాడారు.

ఇప్పటి వరకు 374 మంది కోలుకొని డిశ్చార్జ్‌ అయ్యారు. రాష్ట్రంలో ప్రస్తుతం కరోనా కేసుల సంఖ్య 1,009కి చేరుకున్నాయి. ప్రస్తుతం ఆస్పత్రుల్లో 610 మంది చికిత్స తీసుకుంటున్నారు. ఇవాళ తెలంగాణలో 42 మంది డిశ్చార్జి అయ్యారు. ఇప్పటి వరకు మొత్తం 25 మంది మృతి చెందారు. ఈనెల 21వ తేదీ నుంచి కరోనా కేసులు తగ్గుముఖం పట్టాయని మంత్రి ఈటెల చెప్పారు.