ఫుట్బాల్ ప్రపంచకప్లో సరికొత్త రికార్డు సృష్టిస్తూ అల్జీరియాపై అద్భుతమైన హాట్రిక్ గోల్స్ సాధించిన అనంతరం అర్జెంటీనా దిగ్గజ ఆటగాడు లియోనల్ మెస్సి ఆసక్తికర వ్యాఖ్యలు చేశారు. మైదానంలో తాను సృష్టించే రికార్డుల కంటే జట్టు విజయమే తనకు ముఖ్యమని ఆయన స్పష్టం చేశారు.
నాకు రికార్డుల సంఖ్యలతో ఎలాంటి పనిలేదు, అవి నాకేమీ ముఖ్యం కాదు” అని మ్యాచ్ ముగిసిన తర్వాత మెస్సి వ్యాఖ్యానించారు.ఈ ప్రపంచకప్ మ్యాచ్లో అల్జీరియాతో జరిగిన పోరులో మెస్సి ఒంటిచేత్తో జట్టును విజయపథంలో నడిపించారు. వరుసగా మూడు గోల్స్ చేసి హాట్రిక్ నమోదు చేయడమే కాకుండా ప్రపంచకప్ చరిత్రలో అత్యధిక హాట్రిక్లు సాధించిన ఆటగాడిగా సరికొత్త రికార్డును తన పేరిట లిఖించుకున్నారు.
ఈ అరుదైన ఘనతపై స్పందిస్తూ…మైదానంలోకి అడుగుపెట్టినప్పుడు రికార్డులు బద్దలు కొట్టాలనే ఆలోచన నా మనసులో అస్సలు ఉండదు. నా ఏకైక లక్ష్యం జట్టు గెలవడం మరియు మా దేశ ప్రజలను సంతోషపెట్టడం మాత్రమే. రికార్డులు అనేవి ఆటలో భాగమే కానీ జట్టు ప్రదర్శన మరియు విజయం ముందు ఈ అంకెలు ఏమాత్రం సరిరావు అని మెస్సీ చెప్పుకొచ్చారు.
మెస్సి సాధించిన ఈ చారిత్రాత్మక హాట్రిక్ మరియు జట్టును తదుపరి దశకు చేర్చిన తీరుపై ప్రపంచవ్యాప్తంగా ఉన్న ఫుట్బాల్ అభిమానులు…విశ్లేషకులు ప్రశంసల జల్లు కురిపిస్తున్నారు.
Also Read:నిరుద్యోగులపై లాఠీఛార్జ్ హేయమైన చర్య!