హీరో నాని పోగొట్టుకున్న చిరంజీవి ఇచ్చేశారు. ఇంతకీ నాని పోగొట్టుకుంది ఏంటీ… చిరంజీవి ఇచ్చింది ఏంటీ అని ఆలోచిస్తున్నారా..అయితే వివరాల్లోకి వెళ్లాల్సిందే. ఇటీవలె నాని మెగాస్టార్ చిరంజీవి హోస్ట్‌గా వ్యవహరిస్తున్న మీలో ఎవరు కోటిశ్వరుడు షోకు వెళ్లాడు. ఈ సందర్భంగా నాని తనకు గతంలో ఎదురైన అనుభవాన్ని వివరించారు. చిరంజీవి ‘మాస్టర్’ సినిమాకు తాను సైకిల్ పై వెళ్లానని, టిక్కెట్ దొరికిన ఆనందంలో తన సైకిల్ పోయిన విషయాన్ని కూడా పట్టించుకోలేదని, దాని కోసం బాధ పడలేదని ఆ షోలో చెప్పాడు.
అయితే, ఆ షో లో గెలుచుకున్న డబ్బుతో ఓ కొత్త సైకిల్ కొనుక్కుంటానని నాని అనగా, అందుకు, చిరంజీవి అభ్యంతరం చెప్పారు. తన సినిమా చూసేందుకు వెళితే సైకిల్ పోయింది కనుక, మరో కొత్త సైకిల్ ను తానే కొనిస్తానని నాటి షో లో చిరంజీవి మాట ఇచ్చారు. ఈ నేపథ్యంలో నానికి కొత్త సైకిల్ ను ఆయన పంపారు. ఆ సైకిల్ పక్కనే నిలబడి ఫొటో దిగిన నాని, దానిని తన ట్విట్టర్ ఖాతాలో పోస్ట్ చేశాడు. ‘ఆ అబ్బాయి సైకిల్ తిరిగి పొందాడు. షోలో ప్రామిస్ చేసినట్టుగా, చిరంజీవిగారు నాకు ఈ సూపర్ కూల్ సైకిల్ ను పంపారు’ అని నాని ఆ ట్వీట్ లో పేర్కొన్నాడు. ఆ సైకిల్‌తో వెంటనే ఫొటో తీసుకున్న నాని, దాన్ని సోషల్‌ మీడియాలో పంచుకున్నాడు.
And the boy got his cycle back 🙂
As promised on the show, Chiranjeevi Garu sent me this super cool cycle!#MegastarForAReason pic.twitter.com/zMrbDLMwGj— Nani (@NameisNani) April 14, 2017
