వినోదాత్మక చిత్రాల హీరోగా తనకంటు ఓ ప్రత్యేక గుర్తింపు తెచ్చుకున్న నటుడు అల్లరి నరేష్. జాహ్నవి ఫిల్మ్స్ పతాకంపై నరేష్ నటిస్తున్న తాజా చిత్రం మేడమీద అబ్బాయి. నిఖిల విమల్ హీరోయిన్‌గా నటిస్తున్న ఈ చిత్రానికి జి.ప్రజిత్ దర్శకత్వం వహిస్తున్నారు.చిత్రీకరణను పూర్తిచేసుకున్న ఈ చిత్రం నిర్మాణానంతర పనులు తుదిదశకు చేరుకున్నాయి. ఇటీవల విడుదలైన టీజర్‌కు మంచి రెస్పాన్స్ వచ్చింది. విడుదలైన 12 గంటల్లోనే టీజర్ 5లక్షల పైగా వ్యూస్‌ను సాధించి సినిమాపై అంచనాలను పెంచేసింది.
తాజాగా ఈ సినిమా నుంచి థియేట్రికల్ ట్రైలర్ ను రిలీజ్ చేశారు. లవ్ .. ఎమోషన్ .. కామెడీకి సంబంధించిన సీన్స్ పై ఈ ట్రైలర్ ను కట్ చేశారు. ప్రధాన పాత్రలను కవర్ చేస్తూ కట్ చేసిన ఈ ట్రైలర్ ఆడియన్స్ ను ఆకట్టుకునేలా వుంది. త్వరలోనే ఈ సినిమా ప్రేక్షకుల ముందుకు రానుంది.
మలయాళ మూవీ ‘ఒరు వడక్కన్ సెల్ఫీ’ సినిమాకి ఇది రీమేక్. 2015 లో వచ్చిన ఈ రొమాంటిక్ ఎంటర్టైనర్ అక్కడి ప్రేక్షకులను ఒక రేంజ్ లో ఆకట్టుకుంది. ఒరిజినల్ వెర్షన్ ను తెరకెక్కించిన ప్రజీత్ .. తెలుగులోను ఈ సినిమాకి దర్శకుడిగా వ్యవహరిస్తున్నాడు.
