పోలీసుల సేవలు మరువలేనివి: మహమూద్ అలీ

తెలంగాణ పోలీసులకు దేశవ్యాప్తంగా గుర్తింపు వస్తుందన్నారు…. కరోనా సమయంలో వారి సేవలు మరువలేనివన్నారు హోంమంత్రి మహమూద్ అలీ.పోలీస్‌ అమవీరుల దినోత్సవం సందర్భంగా ఎల్‌బీ స్టేడియంలో అమరవీరుల సంస్మరణ సభ జరిగింది.

ఈ సందర్భంగా మాట్లాడిన అలీ …విధి నిర్వహణలో అసువులుబాసిన అమర పోలీస్‌, జవాన్ల సేవలు ఎప్పటికి మరువలేమన్నారు. సమాజ భద్రత, ఉజ్వల భవిష్యత్‌ కోసం ఎందరో పోలీసులు విధి నిర్వహణలో ప్రాణాలు త్యాగం చేశారని, చేస్తున్నారన్నారు. త్యాగధనులకు సమాజం రుణపడి ఉందన్నారు.

పోలీస్‌ వ్యవస్థపై విశ్వాసం పెంపొందించే దిశగా చేపట్టిన పలు కార్యక్రమాలతో సత్ఫలితాలు లభిస్తున్నాయని చెప్పారు డీజీపీ మహేందర్ రెడ్డి. తెలంగాణ పోలీస్‌ శాఖకు దేశవ్యాప్త గుర్తింపు రావడానికి అన్ని విధాలా సహాయ సహకారాలు అందిస్తున్న రాష్ట్ర ముఖ్యమంత్రి కేసీఆర్‌, హోం మంత్రి మహమూద్‌ అలీకి కృతజ్ఞతలు తెలిపారు.