టాలీవుడ్ ప్రిన్స్ మహేష్ బాబు మైనపు విగ్రహాం సింగపూర్‌లోని ప్రతిష్టాత్మక మేడమ్ టుస్సాడ్స్‌లో ఏర్పాటుచేస్తున్న సంగతి తెలిసిందే. మహేష్ మైనపు విగ్రహానికి సంబంధించిన ఏర్పాట్లు పూర్తికాగా హైదరాబాద్‌లోని ఏఎంబీ థియేటర్‌లో తన మైనపు విగ్రహాన్ని ఆవిష్కరించారు ప్రిన్స్ మహేష్.
కుటుంబసభ్యులతో కలిసి తన వ్యాక్స్‌ స్టాచ్యుని లాంఛ్ చేశారు మహేష్. తన భార్య, కూతురు సితార, కొడుకు గౌతమ్ కృష్ణలతో కలిసి మైనపు విగ్రహంతో ఫోటో దిగడమే కాదు సెల్ఫీ కూడా దిగాడు ప్రిన్స్. ఈ మైనపు విగ్రహాన్ని మహేష్ బాబుని పోల్చి చూస్తే ఎవరు మహేష్ బాబో చెప్పడం కష్టమే అని చెప్పొచ్చు. మహేష్ లుక్‌ సరికొత్తగా ఉండగా ఇది అభిమానుల‌ని తెగ ఆకట్టుకుంటోంది.
మొత్తానికి మహేష్ బాబు మైనపు విగ్రహంగా కొలువు కావడాన్ని ఆయన అభిమానులు సంతోషం వ్యక్తం చేస్తున్నారు. ఇవాళ సాయంత్రం ఆరు గంటల వరకు ఈ మైనపు విగ్రహాన్ని ప్రదర్శనకు ఉంచనున్నారు. ఆ తర్వాత ఈ మైనపు విగ్రహాన్ని సింగపూర్‌లో ఉన్న మేడమ్ టుస్సాడ్స్‌కు తరలించనున్నారు. మహేష్ మైనపు విగ్రహాన్ని చూసేందుకు ఫ్యాన్స్ పెద్దసంఖ్యలో ఏఎంబీ సినిమాస్‌కు తరలివస్తున్నారు.
