ప్లే ఆఫ్‌కి చేరువలో లక్నో..

ఐపీఎల్ 15వ సీజన్‌లో ప్లే ఆఫ్స్‌కి చేరువైంది లక్నో సూపర్ జెయింట్స్‌. కోల్‌కతా నైట్‌రైడర్స్‌తో జరిగిన మ్యాచ్‌లో 75 పరుగుల భారీ తేడాతో విజయం సాధించి పాయింట్ల పట్టికలో అగ్రస్థానంలో నిలవడమే కాదు ప్లేఆఫ్స్‌ బెర్త్‌ను దాదాపు ఖాయం చేసుకుంది.

లక్నో విధించిన 177 పరుగుల లక్ష్యంతో బరిలోకి దిగిన లక్నో… 14.3 ఓవర్లలో 101 పరుగులకే కుప్పకూలింది. రస్సెల్‌ (45) ఫర్వాలేదనిపించగా, ఎనిమిది మంది బ్యాటర్లు రెండంకెల స్కోరు కూడా చేయలేకపోయారు.

ఇక అంతకముందు బ్యాటింగ్‌కు దిగిన లక్నో 20 ఓవర్లలో 7 వికెట్లకు 176 పరుగులు చేసింది. డికాక్‌ (50), దీపక్‌ హుడా (41), స్టొయినిస్‌ (28) రాణించారు.