‘లక్ష్మీస్ ఎన్టీఆర్’ పేరిట ఎన్టీఆర్ రియల్ స్టోరీ ఆధారంగా రామ్‌గోపాల్‌ వర్మ ఓ బయోపిక్‌ని తెరకెక్కించడానికి రెడీ అవుతున్న విషయం తెలిసిందే. అయితే..సినీ, రాజకీయ మార్కెట్‌లలో హాట్ టాపిక్‌గా మారిన ఈ బయోపిక్ గురించి రోజూ ఏదో ఒక పోస్ట్‌తో వర్మ సెన్సేషన్ అవుతూనే ఉన్నారు. ఇదిలా ఉంటే..తాజాగా రాంగోపాల్ వర్మకు స్ట్రాంగ్ వార్నింగ్ ఇచ్చినంతపనిచేశారు వైఎస్సార్సీపీ నేత లక్ష్మీ పార్వతి.
‘స్వర్గీయ నందమూరి తారక రామారావు జీవిత చరిత్ర ఆధారంగా సినిమాను తెరకెక్కించి, ఆనాటి సంగతులని నేటి తరానికి చెప్పాలనుకున్న రాంగోపాల్ వర్మ ప్రయత్నాన్ని అభినందిస్తున్నాను. వర్మ తనని ఇంతవరకు కలవలేదు.
తనని కలిసి చర్చిస్తే, ఎన్టీఆర్ జీవితంలోని మరిన్ని విశేషాలని ఆయనకి వివరిస్తా. వర్మ ఉన్నది ఉన్నట్టుగా చెబితే పర్వాలేదు కానీ అలా కాకుండా ఆ సినిమా ఏ మాత్రం తేడాగా వున్నా… వర్మ మళ్ళీ పాత లక్ష్మీపార్వతిని చూడాల్సి వుంటుందని హెచ్చరించారు లక్ష్మీపార్వతి .
అయితే..తనని ఎవరు, ఎలా విమర్శించినా…. వారికి తనదైన స్టైల్లో ఘాటుగా కౌంటర్ ఇచ్చే అలవాటున్న వర్మ ఈసారి లక్ష్మీ పార్వతికి ఎలాంటి రిప్లై ఇస్తారో మరి.
