సంపూర్నేష్ బాబు ‘కొబ్బరిమట్ట’ సాంగ్ ప్రోమో..

సంపూర్నేష్ బాబు ‘హృదయకాలేయం’ చిత్రంతో టాలీవుడ్‌లో కొత్త రకం కామెడీతో ఎంతో క్రేజ్‌ని సంపాధించాడు. ఈ చిత్రం విడుదలైన కొన్నాళ్లకే ‘కొబ్బరిమట్ట’ అనే చిత్రం ప్రకటించాడు. కానీ ‘కొబ్బరిమట్ట’ సినిమా కొన్ని కారణాల వల్ల అలస్యం అయింది. దాదాపు మూడు సంవత్సరాల పాటు సెట్స్ పై ఉన్న ఈ చిత్రం ఎట్టకేలకు పూర్తి అయ్యింది. ఈ చిత్రంను నవంబర్ 14న ప్రేక్షకుల ముందుకు తీసుకు వచ్చేందుకు ఏర్పాట్లు జరుగుతున్నాయి.

ఈ నేపథ్యంలో ఈ సినిమా నుంచి ఒక ప్రోమో సాంగ్‌ను విడుదల చేశారు చిత్ర యూనిట్‌. అయిదుగురు అన్నదమ్ముల అనుబంధం నేపథ్యంలో సాగే కథ ఇది. ఆ అనుబంధాన్ని ప్రోమో సాంగ్‌లో చూపించిన తీరు సరదాగా వుంది. కొంతకాలంగా తన జోరు తగ్గించిన సంపూర్ణేశ్ బాబు, ఈ సినిమాతో మళ్లీ స్పీడ్ పెంచుతాడేమో చూడాలి.

https://youtu.be/pswQaCz8eNI