హైదరాబాద్‌ నగరం అంతటా గణేష్ నిమజ్జన వేడుకలు వైభవంగా ప్రారంభమయ్యాయి. నగరంలోనే అత్యంత ప్రసిద్ధి చెందిన ఖైరతాబాద్ మహా గణపతుడి శోభాయాత్ర అత్యంత భక్తిశ్రద్ధల నడుమ, కోలాహలంగా కొనసాగుతోంది.
తెల్లవారుజామునే ప్రత్యేక పూజలు, హారతి సమర్పించిన అనంతరం ఖైరతాబాద్ గణేశుడి శోభాయాత్ర ప్రారంభమైంది.’గణపతి బప్పా మోరియా’ నామస్మరణలతో శోభాయాత్ర మార్గం మారుమోగుతోంది. స్వామివారిని దర్శించుకునేందుకు వేలాది మంది భక్తులు రోడ్ల ఇరువైపులా వేచి ఉన్నారు.
నిమజ్జన ఊరేగింపు ప్రశాంతంగా సాగేందుకు పోలీసులు భారీ భద్రతా ఏర్పాట్లు చేశారు. సీసీటీవీ కెమెరాలు, డ్రోన్ల ద్వారా నిఘా ఏర్పాటు చేశారు.నిర్ణీత మార్గంలో సాగుతున్న ఈ శోభాయాత్ర క్రమంగా హుస్సేన్‌ సాగర్ (ట్యాంక్ బండ్) వైపు సాగుతోంది. క్రేన్ సహాయంతో స్వామివారి నిమజ్జనాన్ని పూర్తి చేయడానికి అధికారులు అన్ని ఏర్పాట్లు సిద్ధం చేశారు.
నగరంలో మిగతా ప్రధాన గణపతి విగ్రహాల నిమజ్జనం కూడా శాంతియుతంగా, ఉత్సాహపూరిత వాతావరణంలో కొనసాగుతోంది.
Also Read:వాము వాటర్ vs సోంఫ్ వాటర్?