ఈ మధ్య కాలంలో పీరియడ్ డ్రామాలు-సీక్వెల్ సినిమాల హవా సాగుతుంది. ఈ నేపథ్యంలో కన్నడ హీరో యశ్ కథానాయకుడిగా తెరకెక్కుతున్న భారీ బడ్జెట్ సినిమా `కేజీఎఫ్`. ప్రశాంత్ నీల్ దర్శకత్వంలో విజయ్ కిరంగదుర్ ఈ చిత్రాన్ని నిర్మిస్తున్నారు. ఏఏ ఫిలింస్ – ఎక్సెల్ ఎంటర్ టైన్ మెంట్ సంయుక్తంగా నిర్మిస్దున్నారు.
ఇక వారాహి చలన చిత్రం పతాకంపై సాయి కొర్రపాటి ఈ చిత్రాన్ని తెలుగు ప్రేక్షకులకు అందిస్తున్నారు. కన్నడ, తెలుగు, తమిళం,హిందీలో ఈ చిత్రం భారీ ఎత్తున తెరకెక్కుతోంది. శ్రీనిధి శెట్టి నాయకా నాయికలుగా నటించిన ఈ కన్నడ సినిమాలో, రమ్యకృష్ణ .. నాజర్ కీలకమైన పాత్రలను పోషించారు.
ఈ సినిమా నుంచి తాజాగా ట్రైలర్‌ను రిలీజ్ చేశారు. ముంబైతో ముడిపడిన గోల్డ్ మైన్స్ మాఫియా నేపథ్యంలో సాగే కథ ఇది. ఆసక్తికరమైన సన్నివేశాలపై కట్ చేసిన ఈ ట్రైలర్ ఆకట్టుకుంటోంది. “నీ వెన్నంటి వేలమంది ఉన్నారనే ధైర్యం నీకుంటే ఒక యుద్ధాన్ని మాత్రమే గెలుస్తావు. అదే నువ్వు ముందున్నావని నీ వెనకున్న వేలమందికి ధైర్యం వచ్చిందంటే ఈ ప్రపంచాన్నే గెలుస్తావు”అనే డైలాగ్ ప్రేక్షకులను ఆకట్టుకునేలావుంది. డిసెంబర్ 21న ఈ సినిమా రిలీజ్ కానుంది.
