మేడిగడ్డలో సీఎం కేసీఆర్ ప్రత్యేక పూజలు..

ఎగువన కురుస్తున్న భారీ వర్షాలతో తెలంగాణ ప్రభుత్వం ప్రతిష్టాత్మకంగా చేపట్టిన కాళేశ్వరం ప్రాజెక్టు జలకళ సంతరించుకున్న సంగతి తెలిసిందే .ఈ నేపథ్యంలో గోదావరి నది వరద ప్రవాహాన్ని ఏరియల్ వ్యూ ద్వారా పరిశీలించారు కేసీఆర్.

గోదావరి వరద ఉధృతిపై, తాజా పరిస్థితికి సంబంధించిన సమాచారాన్ని అధికారులను అడిగి తెలుసుకున్నారు. వ్యూ పాయింట్‌, వంతెనపై నుంచి విడుదలవుతున్న నీటి ప్రవాహాన్ని కేసీఆర్ పరిశీలించారు. అనంతరం గోదావరి మాతకు పూలు, పట్టు వస్త్రాలు సమర్పించి పూజలు చేశారు.

ఇక ఏరియల్ వ్యూ ద్వారా గోదావరి నదిని పరిశీలించిన సీఎం ఆనందాన్ని వ్యక్తం చేశారు. కేసీఆర్ వెంట మంత్రి ఈటెల,ఎర్రబెల్లి దయాకర్ రావు, ఎంపీ సంతోష్ కుమార్, ఎమ్మెల్యే గండ్ర వెంకటరమణారెడ్డి ఉన్నారు.