జూనియ‌ర్ ఎన్టీఆర్ ప్ర‌స్తుతం త్రివిక్ర‌మ్ దర్శ‌క‌త్వంలో అర‌వింద స‌మేత వీర రాఘ‌వ అనే సినిమా చేస్తున్నాడు. రాయ‌ల‌సీమ ఫ్యాక్ష‌న్ నేప‌థ్యంలో ఈసినిమా రానుంది. ఎన్టీఆర్ ఈసినిమాలో డిఫ‌రెంట్ లుక్ లో క‌నిపించ‌నున్నాడు. అజ్ఞాత‌వాసి సినిమా ఫ్లాప్ కావ‌డంతో ఎలాగైనా హిట్ కొట్టాల‌నే పట్టుద‌ల‌తో ఉన్నాడు త్రివిక్ర‌మ్. ఎన్టీఆర్ త్రివిక్ర‌మ్ సినిమాలో హీరోయిన్ గా పూజాహెగ్దెను తీసుకున్నారు. మ‌రో హీరోయిన్ గా ఈషారెబ్బ‌ను తీసుకున్న‌ట్లు ఇటివ‌లే ప్ర‌క‌టించారు. హారిక అండ్ హాసిని క్రియేష‌న్స్ ప‌తాకంగా ఎస్. రాధాకృష్ణ ఈసినిమాను నిర్మిస్తున్నారు. ప్ర‌స్తుతం ఈసినిమా షూటింగ్ హైద‌రాబాద్ ప‌రిస‌ర ప్రాంతాల్లో జ‌రుగుతుంది.
ఎన్టీఆర్ సినిమాలో ఐటెం సాంగ్ కు ఓ టాప్ హీరోయిన్ ను తీసుకున్న‌ట్లు స‌మాచారం. ఆ టాప్ హీరోయిన్ కాజ‌ల్ అగ‌ర్వాల్ అని ఫిలిం న‌గ‌ర్ వ‌ర్గాల స‌మాచారం. ఇప్ప‌టికే మూవీ టీం కాజ‌ల్ ను సంప్రదించార‌ని..అందుకు కాజ‌ల్ కూడా ఓకే చెప్పింద‌ని స‌మాచారం. విరిద్ద‌రి కాంబినేష‌న్ లో జ‌న‌తాగ్యారేజ్ సినిమాలో కాజ‌ల్ ఓ ఐటెం సాంగ్ చేసిన విష‌యం తెలిసిందే. ఆ సాంగ్ ఎంత‌పెద్ద హిట్ సాధించిందో చెప్ప‌న‌క్క‌ర్లేదు. ఇప్పుడు మ‌రోసారి విరిద్ద‌రి కాంబినేష‌న్ లో ఐటెం సాంగ్ వ‌స్తుండ‌టంతో ఎన్టీఆర్ అభిమానును సంద‌డి చేసుకుంటారు. ఈసినిమాలో స్పెష‌ల్ సాంగ్ ను ర‌చ‌యిత పెంచ‌ల్ దాస్ రాసాడు. ఈపాట చిత్రానికి ప్ర‌త్యేక ఆక‌ర్ష‌ణ‌గా నిల‌వ‌నుంద‌ని స‌మాచారం. ఈమూవీకి థ‌మ‌న్ సంగీతం అందిస్తున్నారు.
