జై లవ కుశ జూక్‌బాక్స్ రిలీజ్..

ఎన్టీఆర్ ఫ్యాన్స్‌ ఎంతో ఆత్రుతగా ఎదురుచూస్తున్న అప్‌కమింగ్ మూవీ జై లవ కుశ ఆడియో సాంగ్స్ వచ్చేశాయి. ఆదివారం సినిమాలోని పాటలను నేరుగా మార్కెట్‌లోకి విడుదల చేశారు.

ఈ రోజు ఉదయం ప్రకటించినట్టుగానే కొద్దిసేపటి క్రితమే.. అంటే సరిగ్గా 4 గంటలకి ఈ సినిమా జూక్‌బాక్స్‌ని విడుదల చేశారు ఎన్టీఆర్ సోదరుడు కల్యాణ్‌రామ్. జై లవ కుశ సినిమాకు నిర్మాత అయిన కల్యాణ్‌రామ్ ఈ సినిమా పాటల జూక్‌బాక్స్ యూట్యూబ్ లింకుని ట్విటర్ ద్వారా అభిమానులతో షేర్ చేసుకున్నారు.

వినాయక నిమజ్జనం, వర్షాల కారణంగా ఫ్యాన్స్‌ ఇబ్బంది పడకూడదనే ఉద్దేశంతో చిత్ర బృందం ఆడియో విడుదల వేడుకను నిర్వహించలేదు. ఈ నేపథ్యంలో అభిమానుల కోసం సెప్టెంబరు 10న హైదరాబాద్‌లో ఘనంగా వేడుకను నిర్వహించి, ట్రైలర్‌ను విడుదల చేయనున్నారు.

మొదటి పాట “రావణా…” రెండో పాట “ట్రింగ్ ట్రింగ్.. ” మూడోపాట “నీ కళ్లలోన” కాగా “దోచేస్తా…” అనే లిరిక్స్‌తో మొదలైన నాలుగో పాట ఆడియెన్స్‌ని ఆకట్టుకుంటున్నాయి. 16.52 నిమిషాల నిడివిగల ఈ జూక్ బాక్సులో మొత్తం నాలుగు పాటలున్నాయి. రిలీజైన కొన్ని నిమిషాల్లోనే లక్షల్లో వ్యూస్ సొంతం చేసుకున్న ఈ జూక్ బాక్సుకి వేలల్లో లైక్స్ కూడా లభించాయి. బాబీ డైరెక్ట్ చేస్తున్న ఈ సినిమాకు రాక్‌స్టార్‌ దేవీశ్రీ ప్రసాద్ ఎప్పటిలాగే ఆకట్టుకున్నారని, పాటలు బాగున్నాయని ఫ్యాన్స్‌ ఆనందం వ్యక్తం చేస్తున్నారు.