ఆస్ట్రేలియాలోని మెల్‌బోర్న్‌లో జరుగుతున్న పొట్టి ప్రపంచకప్‌లో భారత్‌-పాక్‌ జట్ల మధ్య జరిగిన సూపర్‌ 12లో… పాక్‌ జట్టు ఘోరపరాజయం పాలైంది. చివరి వరకు ఉత్కంఠతో కొనసాగిన మ్యాచ్‌లో విరాట్‌ ఫినిషింగ్‌ టచ్‌ ఇచ్చారు.
నిర్ణీత ఓవర్లో లక్ష్య చేధనకు దిగిన భారత్‌ ఆదిలోనే తడబడిన…. విరాట్‌, హార్ధిక్‌ కలసి జట్టును ఆదుకున్నారు. విరీద్దరూ ఐదో వికెట్‌కు శతక భాగస్వామ్యం జోడించారు. నవాజ్‌ వేసిన 19వ ఓవర్లో హార్ధిక్‌ ఔట్‌ అయ్యారు. వెంటనే దినేష్‌ కూడా ఔట్‌ అవ్వడంతో అశ్విన్‌తో కలసి జట్టును విజయతీరాలకు చేర్చాడు. దీంతో భారత్‌ 4వికెట్ల తేడాతో విజయం సాధించింది. భారత్‌కు చిరకాల ప్రత్యర్థి అయిన పాక్‌ను ఓడించి బోణీ కొట్టింది.
అంతకుముందు టాస్‌ ఓడి బ్యాటింగ్‌కు దిగిన పాక్‌ నిర్ణీత ఓవర్లో 8వికెట్ల నష్టానికి 159పరుగులు చేసింది. పాక్‌ బ్యాటింగ్‌లో ఇఫ్తికార్‌, మసూద్‌ హాఫ్‌ సెంచరీలు చేశారు. భారత్‌ బౌలర్లలో హార్ధిక్‌ పాండ్య, అర్ష్‌దీప్‌ సింగ్‌ 3వికెట్లు పడగొట్టారు. షమీ, భువీ చెరో వికెట్‌ తీశారు.
