వీకెండ్‌ దాయాదుల సమరం

మరోసారి దాయాదుల పోరుకు రంగం సిద్ధమైంది. సెప్టెంబర్‌ 4న జరిగే మ్యాచ్‌లో ఇండియా పాకిస్తాన్‌ దుబాయ్‌ వేదికగా ఆదివారంనాడు తలపడనున్నాయి. భారత క్రికెట్‌ అభిమానులకు ఇదోక పండగ కనిపిస్తోంది. ఆసియా కప్‌లో మొదటిసారి జరిగిన మ్యాచ్‌లో ఇండియా గెలవగా ఈ సారి జరిగే మ్యాచ్‌లో ఎవరు గెలుస్తారో వేచి చూడాలి. అంతకు ముందు భారత్‌ హంగ్‌ కాంగ్‌పై అలవోకగా విజయం సాధించి సూపర్‌-4కు చేరింది. కాగా ఆసియా కప్‌లో లీగ్‌ మ్యాచ్‌లు శుక్రవారంతో ముగిశాయి. గ్రూప్‌ ఏ నుంచి భారత్‌ పాకిస్తాన్‌ జట్లు అర్హత సాధించగా గ్రూప్‌బి నుంచి ఆఫ్ఘానిస్తాన్‌ శ్రీలంక చేరాయి. దీంతో ఈ టోర్నీ నుంచి బంగ్లాదేశ్‌ హంగ్‌కాంగ్‌ నిష్క్రమించాయి. శనివారం నుంచి సూపర్‌ -4 మ్యాచ్‌లు జరగనుండగా ఆదివారం రోజున మాత్రం దాయాదుల సమరం జరగనుంది. కాగా సెప్టెంబర్‌ 11న దుబాయ్‌ వేదికగా ఆసియా కప్‌ ఫైనల్‌ మ్యాచ్‌ జరగనుంది.