24 గంటల్లో 13,586 కేసులు…336 మంది మృతి

దేశంలో కరోనా పాజిటివ్ కేసుల సంఖ్య రోజురోజు పెరిగిపోతూనే ఉంది. గత 24 గంటల్లో 13,586 కరోనా పాజిటివ్ కేసులు నమోదుకాగా 336 మంది మృత్యువాత పడ్డారు. ఇక దేశంలో ఇప్పటివరకు కరోనా కేసుల సంఖ్య 3,80,532కు చేరగా యాక్టివ్ కేసుల సంఖ్య 1,63,248గా ఉంది. ఇప్పటి వరకూ కరోనా నుంచి కోలుకొని 2,04,711 మంది డిశ్చార్జ్‌ అయ్యారు. కరోనాతో మృతిచెందిన వారి సంఖ్య 12,573.

ప్రపంచంలో కరోనా కేసుల సంఖ్యలో అమెరికా, బ్రెజిల్‌, రష్యా తర్వాతి స్థానంలో భారత్‌ కొనసాగుతోంది. ప్రపంచ వ్యాప్తంగా ఇప్పటివరకు 85,78,052 మంది ఈ వైరస్‌బారిన పడ్డారు. ప్రాణాంతక వైరస్‌ వల్ల 4,56,284 మంది బాధితులు ప్రాణాలు కోల్పోయారు.

అమెరికాలో ఇప్పటివరకు 22,63,651 పాజిటివ్‌ కేసులు నమోదయ్యాయి. వైరస్‌ బారిన పడిన 1,20,688 మంది మరణించారు. బ్రెజిల్‌లో 9,83,359 పాజిటివ్‌ కేసుల నమోదుకాగా 47,869 మంది మృతిచెందారు.