అంతర్జాతీయ క్రికెట్ కౌన్సిల్ టీ20 ర్యాంకిగ్స్ జాబితాను విడుదల చేసింది. ఈ జాబితాలో టీమిండియా నుండి ఇద్దరు ప్లేయర్లు మాత్రమే చోటు దక్కించుకున్నారు. ఇందులో ఇంగ్లండ్‌ అగ్రస్థానంలో నిలిచింది. ఆ త‌ర్వాతి స్థానాల్లో వ‌రుస‌గా ఆస్ట్రేలియా, భార‌త్ ఉన్నాయి. ఐసీసీ విడుదల చేసిన తాజా టీ20 బ్యాట్స్‌మెన్‌ ర్యాంకింగ్స్‌లో టీమిండియా ఓపెనర్‌ కేఎల్‌ రాహుల్‌, భారత కెప్టెన్‌ విరాట్ కోహ్లీ తమ ర్యాంకులను మెరుగుపరుచుకున్నారు.
కేఎల్‌ రాహుల్‌ ఒక స్థానం ఎగ‌బాకి, రెండో స్థానానికి చేరుకున్నాడు. ఆయ‌న ఖాతాలో 816 రేటింగ్‌ పాయింట్లు ఉన్నాయి. ఈ జాబితాలో ఇంగ్లండ్‌ క్రికెటర్‌ డేవిడ్‌ మలాన్ ( 915 రేటింగ్‌ పాయింట్లు) అగ్రస్థానంలో కొనసాగుతుండ‌గా, విరాట్ కోహ్లీ ఏడో ర్యాంక్‌లో ఉన్నాడు. ఇక బౌలర్ల ర్యాంకింగ్స్‌లో ఆఫ్ఘన్ ఆట‌గాడు రషీద్‌ ఖాన్ (736 పాయింట్లు) అగ్రస్థానంలో ఉండ‌గా, సౌతాఫ్రికా ఆట‌గాడు షమ్సీ (733 రేటింగ్‌ పాయింట్లు) రెండో ర్యాంక్‌కు చేరుకున్నాడు.
