నడిఘర్‌కు సూర్య భారీ విరాళం..

నడిగర్ సంఘం ఎన్నికల్లో అధ్యక్షుడిగా నాజర్, కోశాధికారిగా కార్తీ గెలుపొందిన సంగతి తెలిసిందే. ఈ నేపథ్యంలో ఎన్నికల్లో హామీ ఇచ్చిన విధంగా నడిగర్ సంఘానికి సొంత భవనం నిర్మాణ పనులు వేగవంతం కాగా ఇందుకు విరాళాన్ని అందించారు హీరో సూర్య.

తాజాగా నడిగర్‌ సంఘం కార్యవర్గ సమావేశాన్ని చెన్నైలోని ఒక హోటల్‌లో నిర్వహించగా అధ్యక్షుడు నాజర్, కోశాధికారి కార్తీతో పాటు పలువురు సభ్యులు పాల్గొన్నారు. ఇటీవల నేషనల్ అవార్డు దక్కించుకున్న తమిళ సినిమాలని, వ్యక్తులని అభినందించారు.

ఈ సందర్భంగా హీరో సూర్య, కార్తీ కలిసి నడిగర్ సంఘ భవన నిర్మాణానికి రూ. 25 లక్షలు విరాళాన్ని అందజేశారు. అధక్షుడు నాజర్ దీనిపై సంతోషం వ్యక్తం చేస్తూ వారిద్దరికీ ధన్యవాదాలు తెలిపారు.