యాక్షన్ చిత్రాలతో మాస్ ఆడియన్స్‌లో మంచి ఫాలోయింగ్ సంపాదించుకున్నా హీరో గోపిచంద్. వరుసగా సినిమాలు చేస్తున్న కమర్షియల్ సక్సెస్‌లు సాదించటంలో ఫెయిల్ అవుతున్న గోపిచంద్ అందుకే కాస్త గ్యాప్‌ తీసుకొని సినిమాల ఎంపికలో జాగ్రత్తగా అడుగులు వేస్తున్నాడు.
ప్రస్తుతం తమిళ దర్శకుడు తిరు డైరెక్షన్‌లో భారీ బడ్జెట్‌ యాక్షన్ సినిమా చేస్తున్న గోపిచంద్‌కు యాక్సిడెంట్ అయ్యింది. రాజస్థాన్‌లో షూటింగ్‌ జరుపుకుంటుండగా యాక్షన్ సన్నివేశాలు చిత్రీకరిస్తున్నారు.బైక్ పైనుంచి వెళ్లే స్టంట్స్ జరుగుతుండగా కిందపడ్డాడు. వెంటనే ఫస్ట్ ఎయిడ్ అందించి.. ఆస్పత్రికి తరలించారు.గోపిచంద్‌కు పెద్ద ప్రమాదం కాలేదని చెప్పిన చిత్రయూనిట్ త్వరలో షూటింగ్‌లో పాల్గొంటారని తెలిపింది.
ఈ సినిమాలో లైన్‌లో ఉండగానే తనతో గౌతమ్‌ నంద లాంటి సినిమాను తెరకెక్కించిన సంపత్ నందితో మరో సినిమాకు కమిట్ అయ్యారు. ప్రస్తుతం ప్రీ ప్రొడక్షన్‌ కార్యక్రమాల్లో బిజీగా ఉన్న ఈ సినిమా ఏప్రిల్‌లో ప్రారంభం కానుంది.
