టాలీవుడ్‌లో ప్రేమ కథా చిత్రాల జోరు పెరిగింది. లవ్, కామెడీ, ఎంటర్టైనర్‌, యాక్షన్ సినిమాలతో సినీ అభిమానులను ఆకట్టుకునే ప్రయత్నం చేస్తున్నారు దర్శకులు. ఫ్యాన్స్ అభిరుచులకు అనుగుణంగా సినిమాలు చేస్తూ హిట్లు కొడుతున్నారు. తాజాగా ఇదే కథాంశంతో వచ్చిన మూవీ “24 కిస్సెస్”. అయోధ్య కుమార్ దర్శకుడిగా తెరకెక్కుతున్న ఈ సినిమాలో అదిత్ అరుణ్‌, హెబ్బా పటేల్ జంటగా నటిస్తున్నారు.
ప్రేమకథా చిత్రం ఆధారంగా రూపొందుతున్న ఈ సినిమాకు సంబంధించిన ట్రైలర్ విడుదలైంది. హీరో, హీరోయిన్ల మధ్య జరిగే రొమాంటిక్ సీన్లు, వారి మధ్య జరిగే చిన్న చిన్న గొడవలపై ట్రైలర్‌ను రిలీజ్ చేశారు. సినిమాలు లేక కాస్త వెనుకబడిన హెబ్బాకు ఈ సినిమా హిట్ కావడం చాలా ముఖ్యం. కొంతకాలంగా హిట్ల కోసం ఎదురుచూస్తున్న హెబ్బా.. ఈ మూవీపై భారీగానే ఆశలు పెట్టుకుంది.
రావు రమేష్, నరేష్‌ కీలక పాత్రల్లో నటిస్తున్న ఈ “24 కిస్సెస్” చిత్రం నవంబర్ 15వ తేదీన ప్రేక్షకుల ముందుకు తీసుకువచ్చేందుకు యూనిట్ ప్లాన్ చేస్తోంది. ఇక ట్రైలర్‌కు మంచి రెస్పాన్స్ రావడంతో మూవీ హిట్ కావడం ఖాయమని యూనిట్ భావిస్తున్నారు.
