సాహసవీరుడు సాగరకన్య చిత్రంతో తెలుగు ప్రేక్షకులను ఆకట్టుకున్న పొడుగుకాళ్ల సుందరి శిల్పాశెట్టి. టాలీవుడ్‌తో పాటు బాలీవుడ్‌లో పలు సినిమాలు చేసిన శిల్పా…చేసింది కొద్దిసినిమాలే అయినా తనకంటూ ఓ ఇమేజ్ క్రియేట్ చేసుకుంది. ఇక ఇవాళ శిల్పా బర్త్ డే సందర్భంగా సోషల్ మీడియా వేదికగా విషెస్ చెబుతున్నారు ఫ్యాన్స్‌.
తెలుగులో బాలకృష్ణ,వెంకటేష్,నాగార్జున,మోహన్ బాబు వంటి హీరోల సరసన నటించి మెప్పించింది. బిగ్ బ్రదర్ షోతో అంతర్జాతీయ ఖ్యాతిని ఆర్జించిన శిల్పా తర్వాత తన బాయ్ ఫ్రెండ్ రాజ్ కుంద్రాను పెళ్లి చేసుకుని సినిమాలకు గుడ్ బై చెప్పింది.
పలు కంపెనీలకు బ్రాండ్ అంబాసిడర్‌గా, ఐపీఎల్లో రాజస్ధాన్ రాయల్స్ ఓనర్‌గా వార్తల్లో నిలిచింది శిల్పా. కొత్త కొత్త వస్త్రాలు, అలంకరణతో ట్రెండ్‌ సెట్టర్‌గా ప్రత్యేక ముద్ర వేసుకున్న ఈ పొడుగుకాళ్ల సుందరి…యోగాసానాలతో ఆరోగ్యంపై అవగాహన కల్పిస్తోంది.
