సూపర్ స్టార్ మహేష్ బాబు ఇంట్లో ఓ శుభకార్యం జరగబోతుందని తెలుస్తోంది. త్వరలో మహేశ్ కూతురు సితార లంగా ఓణీ ఫంక్షన్ జరగనుందని టాక్. మహేశ్ బాబు తల్లి ఇందిరా దేవి తను బతికున్నప్పుడే సితార ఓణీల ఫంక్షన్ చూడాలని అనుకుందట. కానీ కోరిక తీరకుండానే ఇందిరా దేవి చనిపోయారు. అయితే తాజాగా తన అమ్మ కోరిక మేరకు సితార లంగా ఓణీ ఫంక్షన్ చేయాలని మహేశ్ బాబు డిసైడ్ అయ్యినట్లు సమాచారం. ఇక ఈ వేడుకను కేవలం కుటుంబ సభ్యులు మరియు సన్నిహితుల మధ్యనే జరిపించాలని సూపర్ స్టార్ దంపతులు నిర్ణయించుకున్నారు. అలాగే తన అభిమాన సంఘ నాయకులను కొందర్ని కూడా మహేష్ ఈ వేడుకకు పిలుస్తారట.
ఇక సితార పాప చాలా టాలెంటెడ్. ఆమెకు నటన పై ఎక్కువ ఆసక్తి ఉంది. అందుకే, భవిష్యత్తులో హీరోయిన్ గా కెరీర్ ను స్టార్ట్ చేయాలని సితార కలలు కంటుంది. మహేష్ కూడా సితార అభిరుచికి తగ్గట్టు ఆమెకు పూర్తి స్వేచ్ఛ ఇస్తున్నాడని అంటున్నారు. అటు నమ్రతా కూడా తమ పిల్లల సరదా వీడియోలను సోషల్ మీడియా వేదికగా పంచుకుంటున్నారు. సితార అల్లరి వీడియోలతో పాటు గౌతమ్ గేమ్స్ కి సంబంధించిన వీడియోలను కూడా ఫ్యాన్స్ కు పరిచయం చేస్తున్నారు. ఏది ఏమైనా సితారకి సోషల్ మీడియాలో ఫుల్ క్రేజ్ ఉంది.
ప్రస్తుతం త్రివిక్రమ్ దర్శకత్వంలో మహేశ్ బాబు ‘గుంటూరు కారం’ సినిమా చేస్తున్నాడు. ఈ సినిమా షూటింగ్ మధ్యలో మహేష్ తన ఫ్యామిలీతో క‌లిసి వెకేష‌న్‌కు వెళ్తున్నాడు. తన కూతురు సితార బ‌ర్త్‌డే సంద‌ర్భంగా కూడా మహేష్ వెకేష‌న్‌ను ప్లాన్ చేశాడు. అసలు మహేష్ ఇలా ప్రతి నెల ఫ్యామిలీతో క‌లిసి వెకేష‌న్‌కు వెళ్ళడానికి కారణం కూడా సితార పాపేనట. ఆమె ఏది కోరినా మహేష్ వెంటనే నెరవేరుస్తాడని టాక్.
Also Read:కాంగ్రెస్‌లో టికెట్ల చిచ్చు!
