సీబీఎస్‌ నుండి ఎంజీబీఎస్‌కు ఉచిత ప్రయాణం..

గత కొంతకాలంగా టీఎస్ఆర్టీసీలో సంస్కరణలకు పెద్దపీట వేస్తున్న ఆర్టీసీ ఎండీ సజ్జనార్ మరో శుభవార్తను అందించారు. హైదరాబాద్ నగరంలోని సీబీఎస్ నుంచి మ‌హ‌త్మాగాంధీ బ‌స్ స్టేషన్ వ‌ర‌కు ఉచితంగా ప్రయాణించడానికి ఎలక్ట్రానిక్ వాహ‌నాల‌ను ప్రారంభించింది.

ప్ర‌తిరోజూ ఉద‌యం 6 గంట‌ల నుంచి రాత్రి 11 గంట‌ల వ‌ర‌కు ఈ ఎలక్ట్రానిక్ వాహనాలు అందుబాటులో ఉంటాయని… ప్రయాణికులు ఈ వాహనాలలో ఎలాంటి ఛార్జీ చెల్లించకుండా ఉచితంగా ప్రయాణించవచ్చని సజ్జనార్ తెలిపారు.

ఈ ఎలక్ట్రానిక్ వాహ‌నంలో మొత్తం 12 మంది ప్ర‌యాణం చేయ‌వచ్చు. అయితే ఈ ఉచిత స‌ర్వీసుల‌లో మొద‌టి ప్రాధాన్య‌త వృద్ధులు, విక‌లాంగ‌లు, గ‌ర్భిణులు, రోగుల‌కు ఉంటుందని అధికారులు స్పష్టం చేశారు.