ఐపీఎల్‌లో భాగంగా నేడు సన్రైజర్స్ హైదరాబాద్- బెంగళూరు మధ్య హైదరాబాద్ వేదికగా మ్యాచ్ జరగనుంది. ఇటు వరుస వైఫల్యాలతో కష్టాల్లో చిక్కుకున్న బెంగుళూరు, అటు వరుస విజయాలతో జోరు మీదున్నసన్‌రైజర్స్. ఈ రెండు టీంల మధ్య నేడు జరగబోయే రసవత్తర పోరుకు తెరలేచింది.
విజయాల మీద విజయాలు నమోదు చేసుకుంటూ పాయింట్ల పట్టికలో అగ్రస్థానానికి ఎగబాకింది సన్రైజర్స్. కోహ్లీ, డివిల్లీర్స్‌, మెకల్లమ్‌ వంటి స్టార్ ఆటగాళ్లున్నా బెంగుళూరు మాత్రం ప్రతీ మ్యాచ్‌లో చేతులెత్తేస్తుంది. ఇంతకు ఈ మ్యాచులోనైనా ఆర్‌సీబీ గెలుస్తుందో లేదోనన్న అతృతతో ఎదురుచూస్తున్నారు అభిమానులు. బెంగుళూరు ఆడిన 9 మ్యాచ్‌ల్లో మూడు విజయాలతో ఆరో స్థానానికే పరిమితమైంది.
అయితే ఆర్‌సీబీ ప్లే ఆఫ్‌ ఆశలను దక్కించుకోవాలంటే మిగిలిన అన్నిమ్యాచులో గెలవాల్సిందే. ఇటు సన్రైజర్స్ మరో మ్యాచు గెలిస్తే ప్లే ఆఫ్‌కు చేరుకోనుంది. ఇప్పటి నుంచైనా ఆర్‌సీబీ కట్టుదిట్టమైన ఆట తీరుకు పదును పెడితే సరి.. లేకుంటే అంతే అని బెంగుళూరు అభిమానులు కోరుకుంటున్నారు. ఈ మ్యాచ్‌లోనైనా కోహ్లీసేన గెలుపు వైపు ప్రయత్నం చేస్తుందా అన్న ప్రశ్నకు నేడు సమాధానం దొరకనుంది. ఇక ఈ మ్యాచులో ఉప్పల్ జరగనుండటంతో హైదరాబాద్ అభిమానులు వెయ్యి కళ్లతో ఎదురుచూస్తున్నారు. మరి ఆర్‌సీబీ ఈ మ్యాచ్‌లోనైనా విజయాన్నిదక్కించుకుంటుందో లేదో చూడాలి మరి..!
