ప్రముఖ నటుడు, మా అసోసియేషన్ మాజీ అధ్యక్షుడు శివాజి రాజా వైయస్సార్ కాంగ్రెస్ పార్టీలో చేరునున్నట్లు వార్తలు వస్తున్నాయి. ఇప్పటికే చాలా మంది సినిమా ఇండస్ట్రీ వాళ్లు వైసిపిలో చేరిన సంగతి తెలిసిందే. త్వరలోనే ఆయన వైసిపి అధ్యక్షుడు జగన్ మోహన్ రెడ్డితో కలవనున్నారని సమాచారం. ఇవాళ జగన్ కు ప్రచారం షెడ్యూల్ లేకపోవడంతో లోటస్ పౌండ్ లోని ఆయన నివాసానికి వెళ్లి శివాజి రాజా కలవనున్నారని తెలుస్తుంది. ఇప్పటికే శివాజి రాజా జగన్ అపాయింట్ మెంట్ కూడా తీసుకున్నారట. శివాజి రాజా వైసిపిలో చేరుతారని ఫిల్మ్ నగర్ వర్గాల్లో జోరుగా చర్చ నడుస్తోంది. ఈ నెల 24న నర్సాపురం పార్లమెంటు నియోజకవర్గం పరిధిలో జరగనున్న ప్రచార సభలో జగన్ సమక్షంలో ఆయన వైసీపీలో చేరుతారని తెలుస్తుంది.
ఇటివలే ప్రెస్ మీట్ పెట్టిన శివాజి రాజా నాగబాబు నాకు గిప్ట్ ఇచ్చాడు..ఆయనకు త్వరలోనే రిటర్న్ గిప్ట్ ఇస్తా అంటూ వ్యాఖ్యలు చేశాడు . అందులో భాగంగానే శివాజీ రాజా వైసీపీలో చేరుతున్నట్లు తెలుస్తోంది. నాగబాబు జనసేన పార్టీ తరపున నరసాపురం ఎంపీగా పోటీ చేయనున్న విషయం తెలిసిందే. శివాజీరాజా వైసిపిలో చేరి నాగబాబుకు వ్యతిరేకంగా ప్రచారం చేయనున్నాడని తెలుస్తుంది. శివాజిరాజా నాగబాబుకు ఇచ్చే రిటర్న్ గిప్ట్ ఇదే అని టాలీవుడ్ వర్గాల్లో చర్చ నడుస్తోంది. ఇటివలే జరిగిన మా ఎన్నికల్లో నాగబాబు శివాజి రాజాకు వ్యతిరేకంగా నరేష్ కు మద్దతు ప్రకటించిన విషయం తెలిసిందే. శివాజి రాజా రిటర్న్ గిఫ్ట్ పై నాగబాబు ఏవిధంగా స్పందిస్తాడో చూడాలి మరి. మరి, భారీ స్థాయిలో వచ్చి చేరుతున్న సినీ గ్లామర్ వాల్ల రాబోయే ఎన్నికల్లో వైసీపీకి ఏ మేరకు లాభం చేకూరుతుందో చూడాలి.
