బాహుబలి సినిమా కోసం దాదాపు నాలుగేళ్లకు పైగా సమయం కేటాయించాడు యంగ్ రెబల్ స్టార్ ప్రభాస్. తాను న‌టించిన బాహుబలి ఇప్ప‌టికి ఎప్ప‌టికి భారతీయ సినీ చరిత్రలో గొప్ప చిత్రంగా నిలిచిపోతుందనడంలో సందేహం లేదు. అంతేకాదు బాహుబలి రెబల్ స్టార్ ప్రభాస్ ని ప్ర‌పంచ‌వ్యాప్తంగా ప్రత్యేక అభిమానులకు ప‌రిచ‌యం చేసింది. అందుకే ఇక‌పై ప్రభాస్ సినిమాలు తెలుగుతోపాటు హిందీ, త‌మిళంలో కూడా విడుద‌ల కానున్నాయి.
అయితే ‘బాహుబలి’ తర్వాత డార్లింగ్‌ ప్రభాస్ మరో సినిమాని ఖాయం చేసుకన్న సంగతి తెలిసిందే. రన్ రాజా రన్ ఫేమ్ సుజిత్ దర్శకత్వంలో ప్రభాస్ హీరోగా రూపొందుతున్న గ్రాండ్ మూవీ ‘సాహో’. యూవీ క్రియేషన్స్‌ పతాకంపై నిర్మిస్తున్న ఈసినిమా ట్రైలర్‌ ఇప్పటికే పాజిటివ్‌ రెస్పాన్స్ ని సొంతం చేసుకుంది. దాదాపు 150 కోట్ల రూపాయ‌ల్ బ‌డ్జెట్‌తో తెర‌కెక్క‌నున్న ఈ సినిమా తెలుగు, హిందీ భాష‌ల్లో తెర‌కెక్క‌నుంది.
ఇదిలా ఉంటే.. ప్రభాస్ పక్కన ఏ హీరోయిన్ అయితే సెట్‌ అవుతుందని చిత్రటీమ్‌ తెగ ఆలోచిస్తోంది. దాంతో ఈ సినిమాలో హీరోయిన్ ఎవ‌ర‌నేది ఇంకా డిసైడ్‌ కాలేదు. ఇక ఈ సినిమాలో ప్రభాస్ పక్కన హీరోయిన్‌గా ఎవ‌రు బాగుంటార‌ని ఓ బాలీవుడ్ వెబ్‌సైట్ అభిమానులను ప్ర‌శ్నించింది.
వారిలో చాలామంది ప్రభాస్ పక్కన ఉండేందుకు క‌త్రినా కైఫ్ కే ఓటేశారు ఫ్యాన్స్‌. ఆర‌డుగుల హైట్‌తో ఉండే ప్రభాస్ పక్కన క‌త్రినా అయితేనే సూపర్బ్‌గా సెట్‌ అవుతుందని తేల్చేశారు ఫ్యాన్స్‌. అంతేకాకుండా దీపికా ప‌దుకొనే కూడా డార్లింగ్‌ పక్కన సెట్‌ అవుతుందని మరికొంతమంది సూచించారు. చూడాలి మరి డార్లింగ్‌ ప్రభాస్ కి ఏ బ్యూటీ ని ఫిక్స్‌ చేస్తోరో.
