నందమూరి బాలకృష్ణ నటిస్తున్న NBK 108 ప్రస్తుతం షూటింగ్ జరుపుకుంటుంది. అనిల్ రావిపూడి డైరెక్షన్ లో తెరకెక్కుతున్న ఈ మాస్ ఎంటర్‌టైనర్‌లో కాజల్ అగర్వాల్ కథానాయికగా నటిస్తుంది. ఇటీవలే విడుదలైన ఈ సినిమా ఫస్ట్‌లుక్‌ పోస్టర్‌లకు ప్రేక్షకుల నుంచి విశేష స్పందన లభించింది.
NBK 108ని దసరా సీజన్‌లో ప్రపంచవ్యాప్తంగా విడుదల చేయనున్నట్లు నిర్మాతలు అధికారికంగా ప్రకటించారు, ఓ పోస్టర్‌తో విజయ దశమి కి రాబోతున్నట్లు తెలిపారు. ఇప్పటికే వచ్చే దసరాకి రవితేజ ‘టైగర్ నాగేశ్వరరావు’ మరియు రామ్ పోతినేని-బోయపాటి శ్రీనుల రాబోయే చిత్రం (RAPO 20) పోటీ పడబోతున్నాయి, ఇప్పుడు ఆ రేస్ లోకి బాలయ్య సినిమా చేరింది. దీంతో ఈ దసరా సీజన్ బాక్స్ ఆఫీస్ వద్ద మంచి ఆసక్తి రేకెత్తించనుంది.
షైన్ స్క్రీన్స్ సంస్థ అత్యంత భారీ బడ్జెట్ తో నిర్మిస్తున్న ఈ సినిమాలో బాలకృష్ణ కూతురుగా ప్రముఖ నటి శ్రీలీల నటిస్తోంది. ఈ చిత్రానికి థమన్ ఎస్. సంగీతం అందిస్తున్నారు.
ఇవి కూడా చదవండి…
