ఢిల్లీలో మరోసారి భూకంపం..

భారత దేశ రాజధాని ఢిల్లీ, పరిసర ప్రాంతాలు ఈ మధ్య తరచుగా భూకంపాలకు గురవుతున్నాయి. తాజాగా ఢిల్లీలో మరోసారి భూమి కంపించింది. న్యూ ఢిల్లీలోని పలు ప్రాంతాల్లో భూప్రకంపనలు వచ్చాయి. రిక్టర్‌ స్కేలుపై తీవ్రత 3.4 గా నమోదైనట్లు అధికారులు తెలిపారు. మధ్యాహ్నం 1.45 గంటలకు ఉత్తర ఢిల్లీలోని పలు ప్రాంతాల్లో ఒక్కసారిగా భూమి కంపించింది.

దాంతో ఇండ్లలో నుంచి ప్రజలు రోడ్లపైకి పరుగులు పెట్టారు. ఎలాంటి ప్రాణ, ఆస్థినష్టం సంభవించలేదని తెలుస్తున్నది. లాక్‌డౌన్‌ ప్రారంభమైనప్పటి నుంచి దేశ రాజధానిలో భూమి కంపించడం ఇది మూడోసారి. ఒకదాని వెంట మరొక భూ ప్రకంపనలు గత నెలలో రికార్డయ్యాయి. నెల వ్యవధిలోనే మూడు సార్లు భూ ప్రకంపనలు సంభవించడంతో.. స్థానికులు భయబ్రాంతులకు గురవుతున్నారు.