ఆర్ఆర్ఆర్‌తో తన కోరిక నెరవేరిందన్నారు దర్శకుడు రాజమౌళి. జూనియర్‌ ఎన్టీఆర్‌, రామ్‌చరణ్‌ కథానాయకులుగా నటించిన పాన్‌ ఇండియా చిత్రం ‘ఆర్‌ఆర్‌ఆర్‌’. డి.వి.వి. దానయ్య నిర్మించిన ఈ చిత్రం 25న ప్రేక్షకుల ముందుకు రానుండగా దుబాయ్‌లో ప్రమోషన్ కార్యక్రమాల్లో పాల్గొన్నారు రాజమౌళి.
ఇద్దరు బిగ్‌స్టార్‌లతో మల్టీస్టారర్‌ను తీసి ప్రేక్షకులకు చూపించాలనే నా కోరిక ఇప్పటికి నెరవేరిందన్నారు. అలా చరణ్‌, తారక్‌… లాంటి ఇద్దరు బిగ్‌స్టార్స్‌ ఈ ప్రాజెక్ట్‌లోకి వచ్చారని చెప్పారు.
జూనియర్‌ ఎన్టీఆర్‌ మాట్లాడుతూ… నా కెరీర్‌లో ఈ సినిమా కోసమే తొలిసారి వర్క్‌షాప్‌లో పాల్గొన్నానని చెప్పారు. సినిమా అంటే రాజమౌళికి అమితమైన ఆకలి…. ఆ ఆకలితోనే ‘ఆర్‌ఆర్‌ఆర్‌’ ఇప్పుడు ఇండియన్‌ ఫిల్మ్‌ అయిందన్నారు. రామ్‌చరణ్‌ మాట్లాడుతూ…కథ వినకుండానే ‘ఆర్‌ఆర్‌ఆర్‌’ సినిమా అంగీకరించాం అంటే కారణం రాజమౌళి అన్నారు. మా ఇద్దరి పాత్రల్లోనూ రౌధ్రం ఉంటుందని తెలిపాడు.
