దర్శకధీరుడు రాజమౌళి ప్రస్తుతం ఆర్ఆర్ఆర్ షూటింగ్ బిజీగా ఉన్నారు. మల్టీస్టారర్ గా తెరకెక్కుతున్న ఈమూవీలో ఎన్టీఆర్, రామ్ చరణ్ లు హీరోయిలుగా నటిస్తున్నారు. ఇప్పటికే ఈమూవీ షూటింగ్ సగం వరకు పూర్తి చేసుకుంది. ఈమూవీలో రామ్ చరణ్ అల్లూరి సీతారామరాజు పాత్రలో, ఎన్టీఆర్ కొమురం భీం పాత్రలో నటించనున్నారు. భారీ బడ్జెట్ తో తెరకెక్కుతున్న ఈ సినిమా 2021, జనవరి 8న ప్రపంచవ్యాప్తంగా వివిధ భాషల్లో విడుదల చేయనున్నారు.
ఇదిలా ఉండగా ఈమూవీ తర్వాత రాజమౌళి ఏ హీరోతో సినిమా చేస్తాడా అన్నది ఫిలిం నగర్ వర్గాల్లో ఆసక్తికరంగా మారింది. మహేశ్ బాబు, అల్లు అర్జున్ రాజమౌళి తర్వాత సినిమా ఉండనుందని పలు వార్తలు వచ్చాయి. అయితే తాజాగా ఉన్న సమాచారం మేరకు రానా దగ్గుబాటి లేదా రామ్ పోత్తినేని తో రాజమౌళి సినిమా తీయనున్నాడని తెలుస్తుంది. ఇప్పటికే రాజమౌళి తండ్రి రైటర్ విజయేంద్రప్రసాద్ మంచి కథను సిద్దం చేసినట్లు సమాచారం. ఈమూవీకి సంబంధించిన పూర్తి వివరాలు త్వరలోనే తెలియనున్నాయి.
