వ‌రుస విజ‌యాల‌తో టాలీవుడ్ టాప్ ద‌ర్శ‌కుల‌లో ఒక‌రిగా పేరు తెచ్చుకున్నాడు అనిల్ రావిపూడి. ఆయన ద‌ర్శ‌క‌త్వం వ‌హించిన నాలుగు సినిమాలు ఘ‌న విజ‌యం సాధించ‌డంతో ఆయ‌న‌తో సినిమా చేయ‌డానికి పెద్ద హీరోలు కూడా మ‌క్కువ చూపిస్తున్నార‌ట. ఇటివ‌లే ఆయన విక్ట‌రీ వెంక‌టేశ్, వ‌రుణ్ తేజ్ హీరోగా న‌టించిన ఎఫ్ 2 మూవీ బాక్సాఫిస్ వ‌ద్ద క‌లెక్ష‌న్ల వ‌ర్షం కురిపించిన సంగ‌తి తెలిసిందే. ఆయన త‌ర్వాతి సినిమా బాల‌కృష్ణ‌తో చేయ‌నున్న‌ట్లు తెలిపాడు.
ఎఫ్ 2 చిత్రం ప్ర‌మోష‌న్స్ లో భాగంగా ఆయన ఈవిష‌యాన్ని తెలిపారు. ప్రస్తుతం బాల‌కృష్ణ వివి.వినాయ‌క్, బోయ‌పాటితో బిజీగా ఉండ‌టంతో అంతతోపు మ‌రో సినిమాను తెర‌కెక్కించే ప‌నిలో ఉన్నాడు అనిల్ రావిపూడి. ప్రస్తుతం ఆయన ఒక లేడీ ఓరియెంటెడ్ సినిమాకి సంబంధించిన కథపై కసరత్తు చేస్తున్నాడనే ప్రచారం జరుగుతోంది.
ఇంత‌వ‌ర‌కూ ఆయన చేసిన సినిమాలకు ఇది పూర్తీగా భిన్నంగా ఉంటుంద‌ని స‌మాచారం. ఈ విష‌యంపై అధికారికంగా ప్ర‌క‌ట‌న రాక‌పోయినా ఆయన స‌న్నిహితులు మాత్రం నిజ‌మే అంటున్నారు. అనిల్ రావిపూడి త‌ర్వాతి చిత్రం ఎవ‌రితో చేస్తాడో చూడాలి మ‌రి.
