 వ్యవస్థాపకుడు అభిజీత్ దీప్కే సంచలన ఆరోపణలు చేశారు. తన వ్యక్తిగత ఇన్స్టాగ్రామ్ ఖాతాతో పాటు, పార్టీ అ){kind=link}
అత్యంత వేగంగా ప్రజాదరణ పొందుతున్న ‘కాక్రోచ్ జనతా పార్టీ’ (CJP) వ్యవస్థాపకుడు అభిజీత్ దీప్కే సంచలన ఆరోపణలు చేశారు. తన వ్యక్తిగత ఇన్స్టాగ్రామ్ ఖాతాతో పాటు, పార్టీ అధికారిక ఇన్స్టాగ్రామ్ అకౌంట్ కూడా హ్యాకింగ్కు గురయ్యాయని ఆయన పేర్కొన్నారు. అంతేకాకుండా, గత కొన్ని రోజులుగా ఈ ఉద్యమానికి సంబంధించిన పలు సోషల్ మీడియా ఖాతాలపై కొత్త ఆంక్షలు విధిస్తున్నారని ఆవేదన వ్యక్తం చేశారు.
మెటా అకౌంట్ రికవరీ సిస్టమ్ ద్వారా తన ఇన్స్టాగ్రామ్ ప్రొఫైల్ను తిరిగి పొందేందుకు ఎన్నిసార్లు ప్రయత్నించినా ఫలితం లేకుండా పోయిందని దీప్కే తెలిపారు. భద్రతా కారణాల దృష్ట్యా అకౌంట్ లాక్ చేయబడిందని, గుర్తింపు గుర్తింపు మరియు పాస్వర్డ్ రీసెట్ చేసిన తర్వాతే ఇది పునరుద్ధరించబడుతుందని ఇన్స్టాగ్రామ్ చూపిస్తున్న స్క్రీన్షాట్లను ఆయన పంచుకున్నారు. అయితే రికవరీ ప్రక్రియ పదే పదే విఫలమవడంతో ఆయన అకౌంట్ యాక్సెస్ కోల్పోయారు.
ఇన్స్టాగ్రామ్లో యువత మద్దతుతో ఈ పార్టీ ఫాలోయింగ్ విపరీతంగా పెరుగుతున్న తరుణంలో ఈ పరిణామం చోటుచేసుకుంది. పార్టీకి చెందిన బ్యాకప్ ఇన్స్టాగ్రామ్ అకౌంట్ను కూడా తాత్కాలికంగా తొలగించారని, అయితే కొన్ని గంటల తర్వాత అది మళ్లీ పునరుద్ధరించబడిందని దీప్కే ఆరోపించారు.
Also Read:Keralam:సెక్స్ రాకెట్ ముఠా గుట్టు రట్టు
ఈ విషయాలపై ఆయన ‘ఎక్స్’ వేదికగా స్పందిస్తూ.. కాక్రోచ్ జనతా పార్టీపై ఉక్కుపాదం మోపుతున్నారు. ఇన్స్టాగ్రామ్ పేజీ హ్యాక్ అయింది. నా వ్యక్తిగత ఇన్స్టాగ్రామ్ హ్యాక్ అయింది. ట్విట్టర్ అకౌంట్ నిలిపివేయబడింది. బ్యాకప్ అకౌంట్ను కూడా తొలగించారు అని రాసుకొచ్చారు. ప్రస్తుతం తమ అధికారిక ప్లాట్ఫారమ్లపై తమకు నియంత్రణ లేదని, కాబట్టి అనధికారిక పోస్టులను పార్టీ ప్రకటనలుగా భావించవద్దని ఫాలోవర్లను కోరారు.
మొదట్లో కేవలం ఇంటర్నెట్లో సరదాగా, వ్యంగ్యంగా (Satirical) ప్రారంభమైన ఒక మీమ్ ప్రచారం.. ఇప్పుడు భారతదేశంలోనే అత్యంత వేగంగా ఎదుగుతున్న డిజిటల్ రాజకీయ ఉద్యమంగా రూపాంతరం చెందింది. దేశంలో నిరుద్యోగం, పరీక్షల పేపర్ లీకేజీలు (నీట్ వంటివి), మరియు రాజకీయ జవాబుదారీతనంపై విసిగిపోయిన ‘జెన్ జీ’ (Gen Z) యువత ఈ మూవ్మెంట్ను భుజానెత్తుకుంది.