బీహార్లోని నలందా జిల్లాకు చెందిన కనిష్క్ రాజా అనే యువకుడు ఒక వినూత్న వ్యాపార ఆలోచనతో వార్తల్లో నిలిచారు. హిల్సా ప్రాంతంలో ఆయన ‘కాక్రోచ్ కేఫ్’ పేరుతో ఒక కేఫ్ను ప్రారంభించి అందరి దృష్టినీ ఆకర్షిస్తున్నారు. పేరు వినడానికి కొంత వింతగా అనిపించినప్పటికీ, డిజైన్ మరియు థీమ్ పరంగా ఇది యువతను విశేషంగా ఆకట్టుకుంటోంది.
ఢిల్లీలో జరిగిన కాక్రోచ్ జనతా పార్టీ (CJP) నిరసనల నుంచి స్ఫూర్తి పొంది కనిష్క్ రాజా ఈ కేఫ్ను ఏర్పాటు చేయడం విశేషం. విభిన్నమైన కాన్సెప్ట్తో పాటు స్థానిక యువతకు అందుబాటు ధరల్లో నాణ్యమైన ఆహారాన్ని అందించాలనే లక్ష్యంతో ఈ కేఫ్ను రూపొందించారు.
ఈ కేఫ్లో లభించే ఆహార పదార్థాలు మరియు పానీయాల ధరలను చాలా తక్కువగా నిర్ణయించారు. రూ. 99 లకే నాణ్యమైన కాఫీ, వివిధ రకాల ఆహార పదార్థాలను యువకులకు విక్రయిస్తుండటంతో రోజురోజుకూ ఇక్కడ రద్దీ పెరుగుతోంది. అంతేకాకుండా, ఈ ‘కాక్రోచ్ కేఫ్’ రోజులో 24 గంటలూ అందుబాటులో ఉంటుందని కనిష్క్ రాజా వెల్లడించారు. రాత్రి వేళల్లో చదువుకునే విద్యార్థులకు, ప్రయాణికులకు మరియు యువతకు ఈ కేఫ్ ఒక మంచి హ్యాంగ్అవుట్ స్పాట్గా మారుతోంది.
Also Read:‘ది ప్యారడైజ్’..టీజర్ అప్డేట్