మూవీ ఆర్టిస్ట్స్ అసోషియేషన్ రూపొందించిన నూతన సంవత్సరం 2017 ‘మా’ డైరీని ఆవిష్కరించిన చిరంజీవి ఈ సందర్భంగా మాట్లాడుతూ తన 150వ సినిమా ‘ఖైదీ నెంబర్ 150’పై స్పందించారు. ఇదిరా చిరంజీవి అనేలా తన 150వ సినిమా ఉంటుందన్నారు మెగాస్టార్ చిరంజీవి అన్నారు. వెండితెరపైకి చిరంజీవి రీఎంట్రీ సందర్భంగా ‘మా’ టీమ్ కేక్ కట్ చేయించి, 150 పుష్పాలున్న పుష్ప గుచ్చంతో ఆయనకు ఘన స్వాగతం పలికింది. చిరంజీవి మాట్లాడుతూ తన 150వ సినిమాతో తిరిగి చిత్ర పరిశ్రమలోకి పున:ప్రవేశం చేసినందుకు చాలా సంతోషంగా ఉందని ఆయన అన్నారు.
తనను ఎంతో ఉత్సాహపరుస్తూ కేక్ కట్ చేయించి, 150 పుష్పాలున్న పుష్ప గుచ్చాన్ని ఇచ్చి, ప్రేమాభినందనలతో స్వాగతించినందుకు ప్రతి ఒక్కరికి ధన్యవాదాలు తెలియజేస్తున్నట్లు చెప్పారు. ఇలాంటి మిత్రులు తనకు ఉన్నందుకు చాలా సంతోషంగా ఉందన్నారు చిరు. ‘ఖైదీ నెం.150’ చిత్రంతో తన పున:ప్రవేశంపై ఇండస్ట్రీ నుంచి సోదరులందరూ స్వాగతం చెబుతున్నందుకు తనకెంతో ఆనందంగా ఉందన్నారు. ప్రతి ఒక్కరూ గర్వించే విధంగా… ‘ఇదిరా చిరంజీవి అంటే’ అనుకునేలా తన 150వ సినిమా ఉంటుందని, అందరినీ అలరించే దిశగా ఈ సినిమా రూపుదిద్దుకుంటోందని చిరు పేర్కొన్నారు. అలాగే మా అధ్యక్షుడిగా రాజేంద్ర ప్రసాద్ అద్భుతంగా పని చేస్తున్నాడని.. అన్ని బాధ్యతలూ చక్కగా నిర్వర్తిస్తున్నాడని మెగాస్టార్ కితాబిచ్చాడు.
ఈ సందర్భంగా `మా` అధ్య‌క్షులు డా.రాజేంద్ర‌ప్ర‌సాద్ మాట్లాడుతూ -‘‘మా అసోసియేష‌న్ ఫౌండ‌ర్ ప్రెసిడెంట్ మెగాస్టార్ చిరంజీవి 150వ సినిమా చేస్తున్నందుకు `మా`త‌ర‌పున శుభాకాంక్ష‌లు తెలియ‌జేస్తున్నాం’’ అన్నారు. మా ప్ర‌ధాన కార్య‌ద‌ర్శి శివాజీరాజా మాట్లాడుతూ -‘‘అన్న‌య్య చేతుల‌మీదుగా మా డైరీని ఆవిష్క‌రించ‌డం చాలా సంతోషాన్నిస్తోంది’’ అన్నారు.
