మెగాపవర్ స్టార్ రామ్‌ చరణ్‌ హీరోగా సుకుమార్ దర్శకత్వంలో తెరకెక్కుతున్న చిత్రం రంగస్ధలం 1985. మైత్రి మూవీ మేకర్స్ నిర్మిస్తున్న ఈ చిత్రం గ్రామీణ కథా నేపథ్యంగా తెరకెక్కుతోంది. చిత్రీకరణ తుదిదశకు చేరుకొంది. ఈ నెల 24న టీజర్‌ని విడుదల చేయబోతున్నట్టు చిత్రబృందం ప్రకటించింది. 1985 నేపథ్యంలో సాగే చిత్రమిది. రామ్‌చరణ్‌ గోదావరి తీరంలోని ఓ పల్లెటూరికి చెందిన యువకుడిగా, సరికొత్త వేషధారణతో కనిపించబోతున్నాడు.
అయితే ఇప్పుడు చరణ్‌ మరో చిత్రం కోసం సిద్ధమౌతున్నాడు. బోయపాటి శ్రీను దర్శకత్వంలో రామ్‌చరణ్‌ కథానాయకుడిగా ఓ చిత్రం తెరకెక్కనున్న విషయం తెలిసిందే. ఈ నెల 19 నుంచి చిత్రీకరణ మొదలవుతుంది. ‘రంగస్థలం’ కోసం కండలన్నీ కరిగించి, కొత్త లుక్‌లోకి మారిపోయిన చరణ్‌… బోయపాటి సినిమా కోసం మళ్లీ కండలు పెంచి సన్నద్ధమయ్యారు. మాస్‌ కథతో తెరకెక్కుతున్న చిత్రం కావడంతో చరణ్‌ మునుపటిలాగా కసరత్తులు చేసి ఫిట్‌గా మారిపోయారు. బోయపాటితో చేయనున్న సినిమా పూర్తవ్వగానే మల్టీస్టారర్‌ చిత్రం కోసం రంగంలోకి దిగబోతున్నారు చరణ్‌.
