గత కొన్ని నెల‌లుగా కత్తి మహేష్ పవర్ స్టార్ పవన్ క‌ళ్యాణ్‌ను టార్గెట్ చేస్తూ అటు సోషల్ మీడియాలోనో లేదంటే ఇటు మీడియా ఛానెల్స్ లో సంచలన కామెంట్స్ చేస్తూనే ఉన్నాడు. ఇది పవన్ ఫ్యాన్స్‌కు నచ్చకపోవడంతో, వార్నింగ్‌లు సైతం ఇచ్చారు. అయినా కత్తి మహేష్ ఏ మాత్రం తగ్గడం లేదు. అయితే పవన్ కల్యాణ్‌పై కత్తి మహేశ్ చేస్తున్న వ్యాఖ్యలను ప్రముఖ రచయిత కోన వెంకట్ ఖండించిన సంగతి తెలిసిందే. ఈ వివాదంపై రాజీ కుదిర్చేందుకు కోన వెంకట్ రంగంలోకి దిగి జనవరి 15 వరకు అందరు మౌనంగా ఉండాలని కోరుకుంటున్నాను అని ఇటీవల ట్వీట్ చేశాడు.
దీంతో పవన్ అభిమానులు- కత్తి మ‌ధ్య జ‌రుగుతున్న వివాదానికి పులి స్టాప్ ప‌డ్డ‌ట్టే అని అందరు భావించారు. కాని జనవరి 15 తర్వాత కూడా కోన వెంకట్ నుండి ఎలాంటి స‌మాధానం రాలేదు. కొన్ని రోజులుగా మౌనంగా ఉన్న సినీ విమర్శకుడు మహేశ్ కత్తి మళ్లీ మీడియా ముందుకు వచ్చారు. బుధవారం కోనవెంకట్‌కు కత్తి మహేశ్ ఓ ట్వీట్ చేశారు.
‘ఎక్కడున్నారు సర్‌? నేను మౌనంగా ఉన్నప్పటికీ నాతో పాటు నా కుటుంబానికి కూడా పవన్ కల్యాణ్‌ అభిమానుల నుంచి వేధింపులు వస్తున్నాయి. ఇప్పుడు చెప్పండి, మీరేం చేయగలరు?’ అని కత్తి మహేశ్ తన ట్వీట్‌లో పేర్కొన్నారు. ఈ ట్వీట్‌ను రీట్వీట్‌ చేస్తూ కోన కౌంట‌ర్ ఇచ్చారు . ‘దురదృష్టవశాత్తు ఈ నెల 7న ట్వీట్ పెట్టిన తర్వాత కూడా నువ్వు అదే అంశం మీద కొన్ని టీవీ చానళ్ల డిబేట్‌లో పాల్గొన్నావు. పవన్ కల్యాణ్‌, అతని అభిమానులను ఎటాక్‌ చేసేందుకు పలు విద్యార్థి సంఘాలను కూడా రంగంలోకి దించావు. నీ డిక్షనరీలో మౌనానికి మరో అర్థం ఏదన్నా ఉందా?’ అని కోన వెంకట్ తన ట్వీట్‌లో పేర్కొన్నారు.
Unfortunately, after my tweet on 7th, u continued ur debates on the same issue in few channels and also involved some student organisations in attacking PK & his fans.. Does “SILENCE” has different meaning in ur dictionary?? https://t.co/wXETH2BpbM
— KONA VENKAT (@konavenkat99) January 17, 2018
