కేంద్రమంత్రికి షాకిచ్చిన ముంబై హైకోర్టు

అక్రమ నిర్మాణం నేపథ్యంలో కేంద్రమంత్రి నారాయణ రాణేకు షాకిచ్చింది ముంబై హైకోర్టు. ముంబైలోని జూహూ ప్రాంతంలో ఉన్న బిల్డింగ్‌ను అక్ర‌మంగా నిర్మించార‌ని, దాన్ని కూల్చివేయాల‌ని కోర్టు ముంబై మున్సిపాల్టీని హైకోర్టు ఆదేశించింది. అంతేగాదు 10 లక్షల జరిమానా విధించింది. రెండు వారాల్లోగా ఆ మొత్తాన్ని డిపాజిట్ చేయాల‌ని ఆదేశాల్లో స్ప‌ష్టం చేసింది.

జ‌స్టిస్ ఆర్డీ ధనూకా, క‌మ‌ల్ ఖాతాల‌తో కూడిన ధ‌ర్మాస‌నం ఈ తీర్పును ఇచ్చింది. రాణే కుటుంబం పెట్టుకున్న రెండ‌వ ద‌ర‌ఖాస్తుకు అనుమ‌తి ఇవ్వ‌రాదు అని బృహ‌న్‌ముంబై మున్సిప‌ల్ కార్పొరేష‌న్ ను కోర్టు ఆదేశించింది. అక్ర‌మ నిర్మాణ ప్రాంతాల్ని రెండు వారాల్లోగా కూల్చివేయాల‌ని కోర్టు పేర్కొంది.