భారతీయ బుల్లితెరపై అత్యంత ప్రేక్షకాదరణ పొందిన రియాలిటీ షో ‘బిగ్ బాస్’ కొత్త సీజన్ అత్యంత వైభవంగా ప్రారంభమైంది. తెలుగు, హిందీ, తమిళం, కన్నడ, మలయాళం, బెంగాలీ భాషల్లో ఒకేసారి ఈ గ్రాండ్ లాంచ్ జరగడం విశేషం. తెలుగులో 16 మంది కంటెస్టెంట్లతో పదో సీజన్ అట్టహాసంగా మొదలుకాగా, తమిళంలోనూ విజయ్ సేతుపతి హోస్టింగ్లో ‘బిగ్ బాస్ తమిళ సీజన్ 10’ సెప్టెంబర్ 6, 2026న ఘనంగా షురూ అయింది.
2017లో తమిళంలో ప్రారంభమైన ఈ రియాలిటీ షో విజయవంతంగా 9 సీజన్లు పూర్తి చేసుకుని ఇప్పుడు 10వ సీజన్లోకి అడుగుపెట్టింది. ఈసారి సాత్విక, మునియమ్మల్, జాసన్, చందిని వంటి ప్రముఖులతో పాటు మొత్తం 19 మంది కంటెస్టెంట్లు హౌస్లోకి అడుగుపెట్టారు. వీరిలో ‘కుక్ విత్ కోమాలి’ కామెడీ షో ద్వారా మంచి గుర్తింపు తెచ్చుకున్న నటుడు ‘అన్సార్’ కూడా ఒకరు.
హౌస్లోకి అడుగుపెట్టిన రెండు రోజులకే బిగ్ బాస్ ఇంట్లో ఒక ఊహించని షాకింగ్ ఘటన చోటుచేసుకుంది. ఏమైందో ఏమో కానీ, కంటెస్టెంట్ అన్సార్ హౌస్ నియమాలను పక్కనపెట్టి బయటకు పారిపోవడానికి ప్రయత్నించాడు. ఏకంగా బిగ్ బాస్ హౌస్ కాంపౌండ్ గోడ దూకి బయటకు వెళ్లేందుకు యత్నించడం సంచలనం సృష్టించింది.
Also Read:గుండె ఆగితే..మెదడులో ఏం జరుగుతుంది?
గతంలో ‘బిగ్ బాస్ తమిళ సీజన్ 1’లో నటుడు భరణి ఇదే రీతిలో హౌస్ గోడ ఎక్కి తప్పించుకోవడానికి ప్రయత్నించగా, ఇప్పుడు సేమ్ టు సేమ్ అన్సార్ కూడా అదే పనిచేయడం గమనార్హం. ప్రస్తుతం దీనికి సంబంధించిన వీడియో సోషల్ మీడియాలో తీవ్రంగా వైరల్ అవుతుండటంతో, నెటిజన్లు మరియు షో అభిమానులు ఆశ్చర్యం వ్యక్తం చేస్తున్నారు. ప్రారంభంలోనే ఇలాంటి నాటకీయ పరిణామాలు చోటుచేసుకోవడంతో తమిళ బిగ్ బాస్ 10పై ఆసక్తి ఒక్కసారిగా రెట్టింపయింది.