ఉక్రెయిన్తో జరుగుతున్న యుద్ధానికి స్వస్తి చెప్పి శాంతి ఒప్పందం కుదుర్చుకోవడానికి రష్యా అధ్యక్షుడు వ్లాదిమిర్ పుతిన్ ఎంతగానో ఆసక్తి చూపుతున్నారని అయితే ఆయనకు ఉక్రెయిన్ అధ్యక్షుడు వ్లాదిమిర్ జెలెన్స్కీకి మధ్య ఉన్న తీవ్రమైన వ్యక్తిగత ద్వేషమే దౌత్య పురోగతికి ప్రధాన అడ్డంకిగా మారిందని అమెరికా అధ్యక్షుడు డొనాల్డ్ ట్రంప్ వ్యాఖ్యానించారు.
పుతిన్తో జరిగిన సంభాషణ గురించి ట్రంప్ మాట్లాడుతూ..మా మధ్య సంభాషణ చాలా బాగా జరిగింది. ఆయన ఒప్పందం కుదుర్చుకోవాలని భావిస్తున్నారు. జెలెన్స్కీ కూడా ఒప్పందానికి సిద్ధపడితే అది చాలా మంచి పరిణామం అవుతుంది. అయితే ఒకరినొకరు అసహ్యించుకునే ఇద్దరు వ్యక్తుల వల్లే ఈ ప్రక్రియ నిలిచిపోయింది అని పేర్కొన్నారు.
మధ్యంతర ఎన్నికల సమావేశం కోసం టెక్సాస్లోని డల్లాస్కు బయలుదేరే ముందు ట్రంప్ ఈ వ్యాఖ్యలు చేశారు. శాంతియుత చర్చల ద్వారా పరిష్కారం లభిస్తుందనే ఆశాభావాన్ని వ్యక్తం చేస్తూనే, ముందుకు వెళ్లే బాధ్యతను ఇద్దరు నేతలపైనే ఉంచారు. ఇరాన్ ట్యాంకర్లపై జరిగిన దాడుల గురించి డొనాల్డ్ ట్రంప్ ప్రస్తావిస్తూ.. “మేము వారి తొమ్మిది నౌకలను పూర్తిగా ధ్వంసం చేశాం. ఈ దాడులకు మేమే కారణమని చెప్పగలను. భవిష్యత్తులో మీరు ఇలాంటివి మరిన్ని చూస్తారు. వారి తొమ్మిది ట్యాంకర్లను దెబ్బతీశాం, వాటిలో చాలావరకు పూర్తిగా తుడిచిపెట్టుకుపోయాయి అన్నారు.
ఎన్నికలు ముగిసిన వెంటనే ఈ యుద్ధం ముగుస్తుందని భావిస్తున్నాను. మా స్థానంలో ఒక బలహీనమైన ప్రభుత్వం అధికారంలోకి వస్తే, తాము అణు ఆయుధాన్ని తయారు చేసుకోవచ్చనే ఆశతో వారు మా ఎన్నికలపై ప్రభావం చూపడానికి తీవ్రంగా ప్రయత్నిస్తున్నారు…అణు ఒప్పందానికి మించి: “నేను కేవలం ఒక అణు ఒప్పందం మాత్రమే చేయడం లేదు. అంతకంటే పెద్దది చేయడానికి ప్రయత్నిస్తున్నాను. అణు ఒప్పందం 99.9 శాతం ఖాయం, కానీ మూడు నెలల క్రితం చర్చల్లో లేని అనేక ఇతర విషయాలు కూడా ఇప్పుడు టేబుల్పైకి రానున్నాయి అని ట్రంప్ స్పష్టం చేశారు.
Also Read:BB10:మూడో రోజు రచ్చ రచ్చే!