తెలంగాణ సంస్కృతి, ప్రజల అనుబంధాల నేపథ్యంలో తెరకెక్కిన బలగం సినిమా ఇప్పటికే పలు అంతర్జాతీయ అవార్డులు సొంతం చేసుకుంది. తాజాగా ఆమ్ స్టర్ డామ్ ఇంటర్నేషనల్ అవార్డ్స్ లో బెస్ట్ డైరక్టర్ అవార్డును వేణు సాధించాడు. ఈ చిత్రం ద్వారా తొలిసారి దర్శకత్వ బాధ్యతలు చేపట్టిన కమెడియన్ వేణు విమర్శకుల నుండి సైతం ప్రసంశలు అందుకుంటున్నారు. వేణుకు ఉత్తమ దర్శకుడి అవార్డు రావడం పట్ల చిత్ర బృందం హర్షం వ్యక్తం చేస్తుంది. అలాగే బలగం ఖాతాలో మరో ఇంటర్నేషనల్ అవార్డు వచ్చి చేరింది.
ఏథేన్స్ ఇంటర్నేషనల్ మంత్లీ ఫిల్మ్ ఫెస్టివల్ లో బెస్ట్ సౌండ్ డిజైన్ అవార్డును సొంతం చేసుకున్నట్లు ఈ మూవీ టీమ్ ట్విట్టర్ ద్వారా వెల్లడించారు. కుటుంబ బంధాల విలువను గుర్తు చేస్తూ తెరకెక్కిన ఈ సినిమాను ప్రేక్షకులు ఇప్పటికీ ఆదరిస్తున్నారు. ఈ మధ్యే వాషింగ్టన్ డీసీ ఇంటర్నేషనల్ సినిమా ఫెస్టివల్ లో 4 అవార్డులను సొంతం చేసుకుంది.
మొత్తానికి బలగం ఖాతాలో ఇలా ఇంటర్నేషనల్ అవార్డులు వచ్చి పడుతుండటంతో తెలుగు సినిమా స్థాయి మరోసారి ప్రపంచానికి తెలిసినట్టు అయింది.
ఇవి కూడా చదవండి…
