కుక్కను ఇంప్రెస్‌ చేసేందుకు పాట పాడిన అనుష్క..

బాలీవుడ్ బ్యూటీ అనుష్క శర్మ ఇటీవల నటించిన సుల్తాన్ చిత్రం ఏ రేంజ్ విజయాన్ని సాధించిందో ప్రత్యేకంగా చెప్పనక్కర్లేదు. చిత్రంలోని అనుష్క నటనకు విమర్శకుల నుండి ప్రశంసలు దక్కాయి. రెజ్లర్‌గా కనిపించేందుకు అనుష్క చాలా హార్డ్ వర్క్ చేసింది.ఈ సినిమా తరువాత అనుష్కకు ఆఫర్లు వెల్లువెత్తుతున్నాయి.తాజాగా అనుష్క శర్మ నటించిన తాజా చిత్రం ‘ఏ దిల్ హై ముష్కిల్’ విడుదలకు సిద్దంగా ఉంది.

షూటింగ్ సమయంలో బిబీగా ఉండే ఈ అందాల తార షూటింగ్ లేని సమయాల్లో చాలా సరదాగా గడుపుతూ ఉంటుంది. తాజాగా తాను నటించిన ‘ఏయ్‌ దిల్‌ హై ముష్కిల్‌`లోని ‘బులెయా`పాటను తన కుక్క ముందు పాడింది. అనుష్క పాటకు ఆ కుక్కకు నచ్చిందో ఏమో.. వెంటనే అనుష్కను ఆ కుక్క ముద్దాడింది. ఇదంతా అనుష్క వీడియో తీసి దాన్ని సోషల్‌ మీడియాలో పోస్ట్ చేసింది. దీంతో ఆ వీడియో ఇంటర్నెట్‌లో వైరల్‌గా మారింది.