హీరోగా సంగీతదర్శకుడు అనిరుధ్..!

సౌత్ ఇండస్ట్రీలో తనకంటూ ఓ ఇమేజ్ దక్కించుకున్న సంగీత దర్శకుడు అనిరుధ్ రవిచంద్రన్. కొలవెరి సాంగ్‌తో ఓవర్ నైట్‌లో స్టార్ సంగీత దర్శకుడిగా మారిపోయిన అనిరుధ్‌…ప్రస్తుతం కోలీవుడ్, టాలీవుడ్‌లో అగ్రస్ధాయి సంగీత దర్శకుడిలో ఒకరిగా పేరుతెచ్చుకున్నారు.

తాజాగా అనిరుధ్ కొత్త అవతారం ఎత్తనున్నారు. యంగ్ హీరో శివ కార్తికేయన్ తన సొంత ప్రొడక్షన్ లోనే అనిరుధ్ మొదటి సినిమాకు దర్శకత్వం వహించబోతున్నారని టాక్. ప్రస్తుతం ఈ వార్త కోలీవుడ్‌లో హాట్ టాపిక్‌గా మారింది.

ఇప్పటికే కోలీవుడ్ లో స్టార్ మ్యూజిక్ డైరెక్టర్ విజయ్ ఆంటోనీ హీరోగా మంచి విజయాల్ని అందుకుంటున్నాడు. వరుస సినిమాలు చేస్తూ ప్రేక్షకులను మెప్పిస్తున్నారు. తాజాగా అదేబాటలో నడిచేందుకు సిద్దమైన అనిరుధ్ ప్రయత్నాలు ఏ మేరకు ఫలిస్తాయో వేచిచూడాలి.