దేశవ్యాప్తంగా ఇటీవల ఎన్నికైన కొత్త రాజ్యసభ సభ్యుల ప్రమాణ స్వీకారానికి తేదీ ఖరారైంది. ఏప్రిల్ 6న ప్రమాణ స్వీకార కార్యక్రమాన్ని నిర్వహించేందుకు ఏర్పాట్లు జరుగుతున్నాయని రాజ్యసభ సచివాలయం తెలిపింది.
ఇటీవల పది రాష్ట్రాల్లో మొత్తం 37 రాజ్యసభ స్థానాలకు ఎన్నికలు నిర్వహించగా, అందులో విజయం సాధించిన అభ్యర్థులు ఈ కార్యక్రమంలో ప్రమాణ స్వీకారం చేయనున్నారు.
తెలంగాణ నుంచి ప్రముఖ న్యాయవాది, కాంగ్రెస్ నేత అభిషేక్ మను సింఘ్వీ, వేం నరేందర్ రెడ్డి రాజ్యసభ సభ్యులుగా ప్రమాణ స్వీకారం చేయనున్నారు. ఈ ఎన్నికలతో రాజ్యసభలో పార్టీల బలాబలాలు కొంతమేర మారే అవకాశం ఉంది. ముఖ్యంగా వివిధ రాష్ట్రాల్లో జరిగిన ఈ ఎన్నికలు జాతీయ రాజకీయాల్లో ప్రభావం చూపనున్నాయి.
ప్రమాణ స్వీకార కార్యక్రమాన్ని ఘనంగా నిర్వహించేందుకు రాజ్యసభ సచివాలయం అన్ని ఏర్పాట్లు చేస్తోంది. కొత్త సభ్యులు అధికారికంగా బాధ్యతలు స్వీకరించిన తర్వాత పార్లమెంట్ సమావేశాల్లో పాల్గొననున్నారు.
Also Read:మెగాస్టార్ చిరు..ఉచిత విద్యా ప్రాజెక్ట్