ఏజెంట్ కోసం భారీ యాక్షన్ సీన్స్‌!

అక్కినేని అఖిల్ హీరోగా సురేంద‌ర్ రెడ్డి ద‌ర్శ‌క‌త్వంలో తెర‌కెక్కుతున్న చిత్రం ఏజెంట్. స‌క్సెస్ రుచి కోసం ఎంత‌గానో ఎదురుచూస్తున్న అఖిల్..ఈ సినిమాపై భారీ ఆశ‌లు పెట్టుకున్నాడు. ఈ చిత్రం శ‌ర‌వేగంగా షూటింగ్ జ‌రుపుకుంటుండ‌గా తాజాగా ఈ సినిమా ఓటీటీ రైట్స్‌ని అమెజాన్ ప్రైమ్ సొంతం చేసుకుంద‌ని వార్త‌లు వినిపిస్తున్నాయి.

అఖిల్ ఇంట‌ర్ పోల్ ఆఫీస‌ర్‌గా క‌నిపించ‌నుండ‌గా ఇప్ప‌టికే విడుద‌లైన అఖిల్ లుక్స్‌కి మంచి రెస్పాన్స్ వ‌చ్చింది. ఏకే ఎంట‌ర్‌టైన్‌మెంట్స్‌తో క‌లిసి సురేంద‌ర్ ఈ చిత్రాన్ని నిర్మిస్తున్నారు. ప్రస్తుతం ఈ చిత్రానికి సంబంధించిన భారీ యాక్షన్‌ సన్నివేశాలను తెరకెక్కిస్తున్నారు. షూటింగ్‌కు సంబంధించిన ఫొటోలు సోషల్‌ మీడియాలో వైరలయ్యాయి. మమ్ముట్టి కీలకపాత్ర పోషిస్తున్న ఈ చిత్రం ఆగస్టు 12న విడుదల కానుంది.