 వ్యవస్థాపకుడు అభిజీత్ దీప్కే స్పష్టం చేశారు.){kind=link}
ఢిల్లీలోని జంతర్ మంతర్ వద్ద పోలీసుల అనుమతి లేకపోయినా నిరసన కార్యక్రమాన్ని కొనసాగిస్తామని కాక్రోచ్ జనతా పార్టీ (CJP) వ్యవస్థాపకుడు అభిజీత్ దీప్కే స్పష్టం చేశారు. ప్రధాన ఎన్నికల కమిషనర్ (CEC) జ్ఞానేశ్ కుమార్ రాజీనామా చేయాలని డిమాండ్ చేస్తూ అక్టోబర్ 10న నిరసన చేపట్టనున్నట్లు ప్రకటించారు.
ఎన్నికల జాబితాల ప్రత్యేక సమగ్ర సవరణ (SIR) ప్రక్రియలో అక్రమాలు జరిగాయంటూ సీజేపీ నేతలు ఆరోపిస్తున్నారు. ఈ నేపథ్యంలో జ్ఞానేశ్ కుమార్ తన పదవికి రాజీనామా చేయాలని వారు డిమాండ్ చేస్తున్నారు. తమ ఆందోళనను అడ్డుకునేందుకు పోలీసులు ప్రయత్నించినా వెనక్కి తగ్గబోమని దీప్కే పేర్కొన్నారు.
ఇటీవల ముంబైలోని శివాజీ పార్క్ వద్ద కూడా సీజేపీ కార్యకర్తలు నిరసన చేపట్టారు. పోలీసుల అనుమతి నిరాకరణ నేపథ్యంలో పార్కు లోపల కాకుండా బయట ఆందోళన నిర్వహించారు. ఈ నిరసనకు పలువురు ప్రముఖులు కూడా మద్దతు తెలిపినట్లు వార్తా కథనాలు పేర్కొన్నాయి.
ఢిల్లీలో నిర్వహించనున్న నిరసనకు దేశవ్యాప్తంగా యువత తరలివస్తారని దీప్కే గతంలో ప్రకటించారు. పోలీసుల ఆంక్షలు ఉన్నప్పటికీ తమ ఉద్యమాన్ని కొనసాగిస్తామని, నిరసన శాంతియుతంగా నిర్వహించేందుకు ప్రయత్నిస్తామని తెలిపారు.
Also Read:భారత్‌తో టీ20 సిరీస్‌..డబుల్ షాక్!