కాంగ్రెస్ అధ్యక్షుడు మల్లికార్జున ఖర్గేతో ఆ పార్టీ సీనియర్ నేత, తిరువనంతపురం ఎంపీ శశి థరూర్ భేటీ అవ్వడం ఇప్పుడు జాతీయ రాజకీయాల్లో చర్చనీయాంశంగా మారింది. ముఖ్యంగా కేరళంలో చోటుచేసుకుంటున్న తాజా రాజకీయ పరిణామాల నేపథ్యంలో ఈ సమావేశం ప్రాధాన్యత సంతరించుకుంది.
ఢిల్లీలో జరిగిన ఈ సమావేశంలో కేరళం రాష్ట్ర కాంగ్రెస్ (PCC) అంతర్గత వ్యవహారాలు మరియు రాబోయే ఎన్నికల వ్యూహాలపై చర్చలు జరిగినట్లు సమాచారం. కేరళంలో పార్టీని మరింత బలోపేతం చేయడం, అక్కడ ఉన్న తాజా పరిస్థితులపై థరూర్ తన అభిప్రాయాలను ఖర్గేకు వివరించారు.
రాష్ట్ర నాయకత్వంలో చోటుచేసుకుంటున్న మార్పులు మరియు పార్టీ శ్రేణుల మధ్య ఉండాల్సిన సమన్వయంపై ఈ భేటీలో చర్చించినట్లు తెలుస్తోంది. శశి థరూర్ గత కొంతకాలంగా కేరళం రాజకీయాల్లో అత్యంత క్రియాశీలకంగా వ్యవహరిస్తున్నారు.
తనకంటూ ప్రత్యేక ఇమేజ్ను సొంతం చేసుకున్న థరూర్, కేరళలో యువత మరియు మేధావుల మద్దతును కూడగట్టడంలో సఫలీకృతులయ్యారు. కేరళం రాజకీయాల్లో తన పాత్రను మరింత పెంచుకోవాలని థరూర్ భావిస్తున్న తరుణంలో, అధిష్టానంతో ఆయన జరుపుతున్న చర్చలు అత్యంత కీలకంగా మారాయి.
Also Read:రక్తం గడ్డకట్టడం..ప్రమాదకర సంకేతాలు!