తమిళనాడు అసెంబ్లీ ఎన్నికల ఫలితాల తర్వాత ప్రభుత్వ ఏర్పాటు విషయంలో సస్పెన్స్ కొనసాగుతోంది. ఈ నేపథ్యంలో కాంగ్రెస్ సీనియర్ నాయకుడు, మాజీ కేంద్ర మంత్రి పీ. చిదంబరం రాజ్యాంగ నిబంధనలను ఉటంకిస్తూ కీలక వ్యాఖ్యలు చేశారు. శాసనసభలో అత్యధిక స్థానాలు గెలుచుకున్న పార్టీని (Single Largest Party) ముందుగా ప్రభుత్వ ఏర్పాటుకు ఆహ్వానించడం గవర్నర్ బాధ్యత అని ఆయన స్పష్టం చేశారు.
న్యూ ఢిల్లీలో మీడియాతో మాట్లాడిన చిదంబరం, తమిళనాడులో ప్రస్తుత పరిస్థితులను విశ్లేషించారు. ఎన్నికల్లో ఏ ఒక్క పార్టీకి పూర్తి మెజారిటీ రానప్పుడు, గవర్నర్ తన విచక్షణాధికారాన్ని ఉపయోగించి అత్యధిక సీట్లు సాధించిన పార్టీని లేదా బలమైన కూటమిని పిలవాలి. ప్రభుత్వం ఏర్పాటు చేసే శక్తి ఉన్న పార్టీకి అవకాశం ఇవ్వడం ద్వారా రాష్ట్రంలో రాజకీయ సుస్థిరత ఏర్పడుతుందని ఆయన అభిప్రాయపడ్డారు.
ప్రస్తుతం తమిళనాడు అసెంబ్లీ ఫలితాల సరళి ప్రకారం ఏ పార్టీకి స్పష్టమైన మెజారిటీ దక్కలేదు. దీంతో ప్రభుత్వ ఏర్పాటులో గవర్నర్ నిర్ణయం అత్యంత కీలకంగా మారింది.ఒకవైపు అతిపెద్ద పార్టీ తమకే అవకాశం ఇవ్వాలని కోరుతుండగా, మరోవైపు ఇతర పార్టీల మద్దతుతో మేమే ప్రభుత్వాన్ని ఏర్పాటు చేస్తామని వ్యూహాలు సిద్ధం చేస్తున్నాయి.
Also Read:రక్తం గడ్డకట్టడం..ప్రమాదకర సంకేతాలు!